Á heimasíðu Fjallabyggðar er sagt frá því að hleypt hafi verið vatni á sundlaugina og hún prófuð um helgina. Hins vegar hafi komið í ljós leki sem verið er að vinna í að laga. Ekki verður því hægt að opna laugina strax (þar sem það tekur a.m.k. tvo daga að tæma hana og fylla aftur, þá á eftir að finna og laga lekann).

Nýji pallurinn sem verður hægt að sóla sig á þegar nýja svæðið verður tekið í notkun.

Það var hart barist í frábærum knattspyrnuleik á Varmárvelli í kvöld. Þar mættust heimamenn í Aftureldingu og KS/Leiftur.

KS/Leiftur og Aftureldingarmenn þurfa á stigunum að halda til þess að forðast botnbaráttuna en ansi þétt er um liðin um miðja deild. Sigur í leiknum hefði því farið langt með að gulltryggja sæti í deildinni að ári.

Aðeins var liðið á fimmtu mínútu leiksins þegar fyrsta mark leiksins leit dagsins ljós. Þá skoraði Fannar Baldvinsson eftir sendingu frá Sævari Frey Alexanderssyni. Fannar gerði vel í því að elta uppi boltann inn fyrir vörnina og nýtti hann sér misskilning hennar og Nezir Ohran í marki KS/Leifturs.

Jafnræði var á liðunum eftir þetta og sköpuðu þau bæði færi til þess að skora annað mark leiksins upp úr þessu. Birgir Ragnarsson skaut í hliðarnet KS/Leifturs úr góðu færi og Eiríkur Magnússon átti gott skot að marki Aftureldingar sem Skarphéðinn Magnússon varði vel.

Annað mark leiksins kom hins vegar á 38. mínútu og það var af dýrari gerðinni.
Sókn Aftureldingar var þung á gestunum og varði Nezir til að mynda vel á marklínu en í aðdraganda þess barst boltinn til Atla Freys Gunnarssonar sem tekur bakfallsspyrnu í vítateignum. Boltinn fór til Arnórs Þrastasonar sem klippti boltann glæsilega niður í markhornið. Óverjandi fyrir Nezir og staðan 2-0 fyrir heimamenn.

KS/Leiftur fengu síðan algjöra gjöf rétt fyrir hálfleik þegar Gunnar Davíð Gunnarsson misreiknaði boltann í vörn Aftureldingar og Skarphéðinn Magnússon kom engum vörnum við þegar Milan Lazarovic potaði boltanum framhjá honum af stuttu færi. Mikilvægt fyrir gestina að skora mark stuttu fyrir hálfleik. 2-1.

Það tók síðan gestina aðeins sjö mínútur að jafna leikinn. Góð sending rataði á kassann á Þórð Birgisson og afgreiddi hann boltann glæsilega efst í fjærhornið. Staðan nú orðin 2-2 og galopinn leikur.

Þeir rauðklæddu létu sér ekki segjast þrátt fyrir mótspyrnuna því Alexander Davorsson skoraði mark eftir að hafa verið á vellinum í tíu mínútur, eða á 63. mínútu. Þá barst boltinn til hans eftir gott spil upp vinstri kantinn og hann lét vaða af 25 metra færi og söng boltinn í markvinklinum. Frábært mark og aftur voru KS/Leiftur lentir undir 3-2.

Einkenndist leikurinn nú af baráttu og var ljóst að gestirnir ætluðu ekki að sætta sig við tap í leiknum.

Þeir uppskáru jöfnunarmark á 83. mínútu þegar Þórður Birgisson skoraði sitt annað mark. Nú afgreiddi hann fyrirgjöf með tánni framhjá Skarphéðni í markinu. 3-3 og enn tími fyrir sjöunda markið!

Undir lokin hefðu KS/Leiftur svo getað stolið sigrinum en Skarphéðinn varði vel yfir markið í eitt skiptið af stuttu færi og annað skot gestanna rataði rétt framhjá markinu. Heimamönnum tókst heldur ekki að skora og niðurstaðan því jafntefli.  En bæði lið spiluðu skemmtilegan fótbolta í kvöld og buðu upp á frábæra skemmtun fyrir áhorfendur.

Eftir leikinn eru KS/Leiftur í 5. sæti deildarinnar með 22 stig eftir.

Nú er hægt að sjá annað myndband frá þorrablótinu í vetur. Í þetta sinn eru það Mundavísur sem urðu fyrir valinu, en þar er það Sturla Sigmundsson í gerfi Vals Hilmars, umhverfis- og garðyrkjufræðing að syngja um ýmsa byrjunarerfiðleika sem tengjast nýju sorphirðunni sem var tekin upp í vetur.
Hér má sjá myndbandið og svo kemur textinn hér fyrir neðan:

Mundavísur

Mundi minn láttu ekki rusla dalla ergja þig
þó að þú hafir ei galla á það ekki að við um mig.
Rusl og drasl verður að flokka annars býsna illa fer
...og Mundi megum við Maggi ekki koma og hjálpa þér.

Mundi inn, elsku Mundi minn.

Ekki tók Mundi tiltali og vildi ekki hlusta á rök.
Allt í eina tunnu hann setti fannst það ekki koma að sök.
Þarna var mælirinn fullur Mundi hlýða verður þú
...og Mundi, þú veist það vel að við Maggi höfum á þér trú.

Mundi inn, elsku Mundi minn.

Núna fór loksins að birta
Smátt og smátt hann byrjaði
í kringum húsið fór hann að snyrta, flokka og skila kyrjaði
Og nú er allt hreint og fagurt rusla tunnurnar hefur þrjár.
... og mundi þú veist að nú eru ekki allar ferðirnar til fjár.

Mundi inn, elsku Mundi minn.

Ísland sigraði Finnland á Evrópumeistaramótinu í andspyrnu

Ísland sigraði Finnland á Evrópumeistaramótinu í andspyrnu (áströlskum fótbolta) í Danmörku í gær með 57 stigum gegn 44. Íslenska liðið átti frábæran leik og hélt forystu allan tímann, þótt finnarnir veittu harða mótspyrnu í hörðum og jöfnum leik. Íslenska liðið leiddi með 11 stigum á móti 1 eftir 1. fjórðung og jók foskotið um eitt stig í hverjum fjórðungi. Liðið skoraði 8 mörk og 9 "behind", gegn 6 mörkum og 8 "behind" finnanna.
Páll Tómas Finnsson var markahæstur í íslenska liðinu með 3 mörk. Leifur Bjarnason, Greg Vajdic, Eyjólfur Sigurjónsson, Pavel Velikov og Bjarki Ragnarsson skoruðu 1 mark hver.
Með sigrinum náði Íslenska liðið 3 sætinu í riðli sínum og mun því mæta Króötum á laugardag í leik um 5. sætið á mótinu.
Rétt er að taka fram að íslenska liðið nýtur stuðnings nokkurra leikmanna frá frakklandi en þar er íþróttagreinin á svipuðu þróunarstigi og á Íslandi. Þróunarstigið í löndunum sem taka þátt er mjög misjafnt, enda hefur íþróttin verið stunduð í sumum þeirra í áratugi en aðrar þjóðir, þ.á.m. íslendingar, finnar og króatar eru rétt að byrja. Íslenska deildin er þó lang yngst sem gerir árangur gærdagsins þeim mun ánægjulegri.

Nánari upplýsingar um andspyrnu er að finna á www.andspyrna.is. Nánari upplýsingar um mótið og úrslit leikja er að finna á http://www.ec2010.info/match-schedule.

625.is fær reglulega fréttir frá UMSE, en þar eru nokkrir krakkar frá Ólafsfirði að æfa frjálsar íþróttir. Fóru nokkrir krakkar á Unglingalandsmót UMFÍ í Borgarnesi um helgina. Met þátttaka var í ár í Borgarnesi sem tók mótið að sér með frekar stuttum fyrirvara.

Það voru skráðir 37 keppendur í frjálsunum frá UMSE og af þessum frjálsíþróttamönnum þá kepptu 2 í skák 17 í fótbolta 2 í sundi og 9 í glímu

Við náðum nokkrum titlum í frjálsunum og vorum nálægt unglingalandsmótsmetum

En við náðum í 6 gull, 6 silfur og 10 brons svo náðum við einnig í 2 silfur og tvö brons í glímu

GERI AÐRIR BETUR :)

árangur Ólafsfirsku krakkanna var eftirfarandi:

Kara Gautadóttir Ólafsfirði og Júlía Ósk Júlíusdóttir Dalvík fengu brons í 4x100m hlaupi 14 ára stelpna

Leó Pétur Magnússon Ólafsfirði náði bronsi í spjótkasti 17-18 ára drengja og bætti sig verulega 44,36m

Gunnlaug Helga Ásgeirsdóttir Ólafsfirði náði bronsi í hástökki ásamt félaga sínum úr UMSE Mekkín Daníelsdóttur en þær stukku 1,52m

Sigurbjörg Áróra Ásgeirsdóttir Ólafsfirði náði bronsi í kúluvarpi 13 ára stelpna og kastaði hún 8,30m

Erla Vilhjálmsdóttir Ólafsfirði, Bertha Þ Steingrímsdóttir Reyni og Dagbjört Ýr Gísladóttir Æskunni náðu silfri í 4x100m boðhlaupi