Þrjú ný myndaalbúm voru að birtast á síðunni.

Vinnuskólakrakkarnir eru byrjuð og setur það alltaf svip á bæinn þegar þau hefja störf. Myndir frá þeirra störfum í dag.

Slökkviliðsmenn voru að undirbúa 17. júní hátíðarhöldin í gærkveldi og byrjuðu að setja upp vatnsrennibrautina. Myndir komnar inn frá því.

Skotfélag Ólafsfjarðar hefur unnið hörðum höndum undanfarið við að græja nýjan völl upp á skotsvæði. Myndir frá því í gærkveldi þegar þeir voru að prófa völlinn. En hann verður opnaður formlega 17. júní kl. 11.00. Bæjarbúar eru hvattir til að mæta og prufa völlinn, að sjálfsögðu frítt.

Allar myndir er að finna í myndaalbúminu.


Kakkarnir voru ekki lengi að stilla sér upp í myndatöku

Laugardaginn 19. júní sýnir Leikhópurinn Lotta nýjasta verk sitt, Hans klaufa við hliðina á Tjarnarborg.
Verkið skrifaði Ljóti hálfvitinn Snæbjörn Ragnarsson en auk Hans klaufa koma við sögu aðrar þekktar persónur úr ævintýraheiminum. Þar má til dæmis nefna Öskubusku og froskaprinsinn. Verkið segir frá því þegar Aron prins og aðstoðarmaður hans, Hans klaufi, koma heim úr löngu ferðalagi. Þegar heim kemur komast þeir að því að ekki er allt með feldu. Norn hefur komið þangað í fjarveru þeirra, lagt álög á kóngsríkið og svæft alla þegna þess og til að bæta gráu ofan á svart breytir hún Aroni prins í frosk. Nú eru góð ráð dýr og er það undir Hans klafua komið að aflétta álögunum og bjarga kóngsríkinu. Verst bara hvað hann er mikill klaufi.

Áhorfendur eru hvattir til að klæða sig eftir veðri, taka teppi til að sitja á og myndavél en börnin fá að hitta karakterana úr sýningunni og þá er gaman að festa það á filmu.

Miðaverð er 1.500 kr. og hefst sýningin klukkan 17:00.

KS/Leiftur tekur á móti Aftureldingu á Siglufjarðarvelli Laugardaginn 12. júní. kl: 14:00
Miðaverð kr. 1000

Ungmenna- og íþróttasamand Fjallabyggðar heldur ársþing sitt laugardaginn 12. júní í Tjarnarborg í Ólafsfirði og hefst það kl. 17:00

Dagskráin er sem hér segir:

    1. Formaður UÍF setur þingið.

    2. Kosning þingforseta og þingritara.

    3. Kosning 3ja manna kjörbréfanefndar.

    4. Álit kjörbréfanefndar.

    5. Lögð fram árskýrsla stjórnar svo og skoðaðir reikningar seinasta árs.

    6. Umræður um ársskýrslu stjórnar og reikninga. Reikningar lagðir fram til samþykktar.

    7. Ávörp gesta.

    8. Kosning þingnefnda: kjörnefnd (3), allsherjar- og laganefnd (5) og fjárhagsnefnd (3)

    9. Stjórnin leggur fram fjárhagsáætlun fyrir næsta ár.

 10.  Tillögur og önnur mál sem borist hafa til stjórnar lagðar fram og vísað til nefnda.

 11.  Lagðar fram og teknar til umræðu tillögur um breytingar á lögum og reglugerðum.

ÞINGHLÉ

 12.  Álit nefnda, umræður og atkvæðagreiðsla.

 13.  Kosningar. Álit kjörnefndar

 14.  Kosning stjórnar, sbr. 16. grein. Skal formaður kosinn sér, en hina í einu lagi. Stjórnin skiptir með sér verkum, í þau störf er um getur í 16. grein.

 15.  Kosning skoðunarmanna, (tveir aðalmenn og tveir varamenn).

 16.  Önnur mál.

 17.  Þingslit.

Í tengslum við blúshátíðina í Ólafsfirði 2.-3 júlí bjóðum við upp á blúsnámskeið sem haldið verður í Ólafsfirði dagana 30. júní og 1. júlí. Námskeiðið verður allan daginn báða dagana og munu þátttakendur svo koma fram föstudaginn 1. júní á sérstökum tónleikum. Þar munu námskeiðsgestir og kennarar sýna afrakstur námskeiðsins. Frekari þátttaka á blúshátíðinni er svo möguleg í framhaldinu ef þátttakendur vilja.

Leiðbeinendur verða:
Birgir Baldursson, trommuleikari
Davíð Þór Jónsson, pínaóleikari
Halldór Bragason, gítarleikari
Róbert Þórhallsson, bassaleikari

Skráning og nánari upplýsingar í síma 863-4369 (Gísli) eða á gislirunar4@gmail.com (fyrir 27. Júní nk.)

Magnús A Sveinsson er búinn að setja inn hjá sér myndir og video frá Sjómannadeginum:

Ljósmyndir http://www.flickr.com/photos/magnussveinsson/sets/72157624214189228/detail/

Vídeó http://www.vimeo.com/12327432


Myndin er af vef Magnúsar

Að sögn Sigþórs Kjartanssonar skipstjóra var veiðin fyrri hluta túrsins rétt utan við 200 mílna landhelgina en seinni hlutann var veiðin nánast á landhelgislínunni og rétt innan við hana. Karfinn sem skipið fékk var góður og blíðuveður var fyrri part veiðiferðar en kaldaskítur undir lokin. Eftir sjómannadag er stefnan svo aftur sett á Reykjaneshrygginn.

Frétt fengin af vef Ramma hf.

Myndin fengin af vef Ramma hf.