|
625.is Ólafsfjörður í nærmynd |
|
Færslur: 2010 Apríl21.04.2010 17:54Fundir Samfylkingar kl. 20 í kvöldFundir um framboðsmál Samfylkingarinnar í Fjallabyggð verða haldnir í Lionshúsinu á Siglufirði og í húsi Félags eldri borgara í Ólafsfirði í kvöld miðvikudag 21. apríl kl. 20. Á fundinum verður kynnt tillaga uppstillingarnefndar að framboðslista og málefni framboðsins rædd. Stjórnir Samfylkingarfélaganna í Fjallabyggð Skrifað af Gísli Rúnar 18.04.2010 13:44Fyrirlestur um meðvirkni og æðruleysismessaÆðruleysismessa verður haldinn Ólafsfjarðarkirkju kl. 20:30 í kvöld. Sr. Anna Sigríður pálsdóttir, predikar og Svava Jónsdóttir syngur einsöng. Sr. Anna Sigríður Pálsdóttir flytur fyrirlestur um meðvirkni í Sandhól mánudagskvöldið 19. apríl kl. 20:30. Fyrirlesturinn er í boði Ólafsfjarðarkirkju og Rauðakrossdeildar Ólafsfjarðar (enginn aðgangseyrir) Skrifað af Gísli Rúnar 18.04.2010 09:12Tjörnin í Ólafsfirði endursköpuð á Siglufirði?Sl. fimmtudag var haldinn íbúafundur á Siglufirði. Tilgangur fundarins var að kynna breytingu á aðalskipulagi Fjallabyggðar. Tillagan felur í sér breytingu gamla malarvellinum á Siglufirði. Þar er fyrirhugað að byggja hús. Fundargestir voru hins vegar ekki allir sammála þeim tillögum sem voru á borðinu og komu með aðrar lausnir á málinu. Örlygur Kristfinnsson kom t.d. með þá hugmynd um að miðbæjartjörnin á Ólafsfirði yrði endursköpuð á Siglufirði og þannig myndu bræðrabæirnir spegla hvor annan í kærleika og eindrægni. Á heimasíðu siglo.is er að finna greinargóða lýsingu á því sem fram fór á fundinum ásamt myndum af þessari og fleiri hugmyndum um notkun á svæðinu. Skrifað af Gísli Rúnar 16.04.2010 18:45það snjóarMargir héldu að vorið væri komið til að vera, svo er nú heldur betur ekki. Leiðinda veður var í dag sem byrjaði með "stór" snjókomu í gær, en þá voru snjókornin frekar stór. Skrifað af Gísli Rúnar 16.04.2010 17:40Sex sóttu um verkstjórastöðuAlls sóttu sex um stöðu verkstjóra þjónustumiðstöðva Fjallabyggðar (áhaldahúsin í Ólafsfirði og á Siglufirði). Usækjendur voru: Skrifað af Gísli Rúnar 16.04.2010 12:05Hægt að fylgjast með SvíþjóðarförunumEins og fram hefur komið hér á síðunni okkur þá eru 6 krakkar að keppa um helgina í Tarnaby í Svíþjóð á skíðum. Fram kemur á heimasíðu Skíðafélags Ólafsfjarðar að þar sé flotta vefmyndavél að finna og nánast hægt að fylgjast með þeim renna sér í brautinni. Skrifað af Gísli Rúnar 15.04.2010 12:50Fugl fyrir milljónGisti og/eða matargestir á Brimnes hóteli í Ólafsfirði ( www.brimnes.is ), geta skráð sig til þáttöku í ljósmyndasamkeppni um bestu fuglamyndina tekna á Tröllaskaganum, Hrísey eða Grímsey á tímabilinu 15. apríl til 31. ágúst 2010. Auk ýmissa veglegra verðlauna, verður besta myndin verðlaunuð með 1.000.000 króna í reiðufé. Nánari upplýsingar er að finna á http://www.fuglfyrirmilljon.com Skrifað af Gísli Rúnar 13.04.2010 23:02keppendur hjá Skíðafélagi Ólafsfjarðar til SvíþjóðarSex keppendur úr Skíðafélagi Ólafsfjarðar lögðu upp í ferð frá Víkurröst á Dalvík um kl: 23:00 í gærkveldi ásamt fimm keppendum úr Skíðafélagi Dalvíkur, til Tarnaby í Svíþjóð, en þar eru þau að fara að taka þátt í alþjóðlegu móti í svigi og stórsvigi. Þau koma til með að keppa næstkomandi laugardag og sunnudag, og eiga svo möguleika á að vinna sér inn rétt til þáttöku í samhliðasvigi á mánudag. Svíðþjóðarfararnir eru þau, Gunnlaug Helga Ásgeirsdóttir, Kara Gautadóttir, Alexía María Gestsdóttir, Ágúst Örn Jónsson, Orri fannar Jónsson og Jón Fannar Björnsson. Með þeim í för eru svo Steinunn Gunnarsdóttir, Kristrún Þorvaldsdóttir og Benedikt Snorri Hallgrímsson, og þrír pabbar frá Dalvík. Skrifað af Gísli Rúnar 12.04.2010 17:46Stærðfræðikeppni grunnskólaStærðfræðikeppni grunnskóla var haldinn þann 10. mars sl. Grunnskóli Ólafsfjarðar eignaðist þar sinn fyrsta sigurvegara sem er Hulda Vilhjálmsdóttir (Ástu Sigurfinns og Villa) sem er í 8. bekk. Frá árinu 1996 hefur keppnin verið haldin fyrir nemendur í 8., 9. og 10. bekk grunnskólanna. Fyrsta árið var sama verkefnið lagt fyrir alla árganga en frá 1997 hefur hver árgangur fengið sérstakt verkefni.Menntaskólinn á Akureyri hefur haldið keppnina á Eyjafjarðarsvæðinu síðan árið 2006. Óskar 625.is Huldu til hamingju með árangurinn Hulda Vilhjálmsdóttir (mynd fengin af vef Grunnskólans) Skrifað af Gísli Rúnar 12.04.2010 17:44Leiðrétting - skíðagöngumenn625.is fékk ábendingu varðandi frétt um skíðagöngumennina sem voru að gera það gott, við áttum víst hlutdeild í þeim öllum, en móðir Andra Steindórssonar er fædd og uppalin hér í Ólafsfirði. Að sjálfsögðu eignum við hann okkur líka og köllum hann Ólafsfirðing. Öll þrjú sætin því stíluð á fjörðinn :-) Skrifað af Gísli Rúnar 12.04.2010 17:40Bergþór Morthens bæjarlistamaður Fjallabyggðar 2010Menningarnefnd hefur útnefnt Bergþór Morthens myndlistarmann (Siglufirði), bæjarlistamann Fjallabyggðar 2010. Bergþór er sá fyrsti sem ber titilinn í Fjallabyggð og mun hann taka við viðurkenningu við hátíðlega athöfn í Ráðhúsinu á Siglufirði, fimmtudaginn 15. apríl nk. kl. 17.00. Þá mun Bergþór formlega opna heimasíðu Listasafns Fjallabyggðar. Eru allir velkomnir. Bergþór Morthens Skrifað af Gísli Rúnar 11.04.2010 17:17Sigurjón Magnússon afhendir slökkvibílLokaúttekt fór í gær fram á nýjasta bílnum frá Sigurjóni Magnússyni ehf. og var hann keyrður til Vopnafjarðar á föstudaginn. Kaupendur slökkvibifreiðarinnar eru Vopnafjarðarhreppur og Flugstoðir en hún mun bæði gegna öryggishlutverki fyrir íbúa sveitarfélagsins og flugvöllinn á Vopnafirði. Einnig er sagt frá á heimasíðu Sigurjóns Magnússonar ehf að þeir hafa verið að smíða hrognasigti úr trefjaplasti og undirritaður hefur verið samningur um 4 sjúkrabíla. Á heimasíðu SM er hægt að lesar nánar um þetta og skoða fleiri myndir af bílnum: www.smagnusson.is bíllinn sem var afhentur á Vopnafirði. Skrifað af Gísli Rúnar 11.04.2010 10:22Ólafsfirðingar gera það gott í skíðagönguÍ gær fór fram Buch - Orkugangan á skíðum. Í boði voru 5 vegalengdir og var lengsta vegalengdin 60 km. Gengið var frá Kröfluvirkjun til Húsavíkur. Ólafsfirðingar stóðu sig vel að vanda. Sigurvegari í 60 km var Brynjar Leó Kristinsson á 3:24:06 og rétt á eftir honum kom Sigurbjörn Þorgeirsson á 3:26:51. Þriðji varð svo Andri Steindórsson á 3:30:02. Má því segja að við höfum átt fyrstu tvö sætin, þó að Brynjar Leó keppi fyrir Skíðafélag Akureyrar þá verður hann alltaf Ólafsfirðingur í grunninn (sonur Kidda Hreins og Ágústu). Til hamningju með þetta strákar. Hér má sjá öll úrslit: http://volsungur.is/default/news/urslit_buch-orkugongunnar_2010/  Brynjar lengst til vinstri og Sigurbjörn lengst til hægri (myndin tekin á verðlaunaafhendingu á skíðmóti Íslands sem fram fór á Dalvík og Ólafsfirði í mars) Skrifað af Gísli Rúnar 10.04.2010 22:55Framkvæmdir við sundlauginaFramkvæmdir við sundlaugina halda áfram. Nú er búið að loka sundlauginni alveg og er verið að grafa meðfram bökkunum til að koma fyrir stútum á hliðinni. Ekki er áætlað að hægt verði að opna svæðið fyrr en í fyrsta lagi einhverntíma í maí (jafnvel seinna). Líkamsræktin verður opin þrátt fyrir þessar framkvæmdir. Myndir komnar í myndaalbúmið.  Skrifað af Gísli Rúnar 09.04.2010 16:48FermingarÍ tilefni af fermingu í Ólafsfirði á morgun, 10. apríl vildi Kvenfélag Sjúkrahúss Siglufjarðar minna á að það hefur verið með sölu á fermingarskeytum undanfarin ár.
1102-26-101355 Skrifað af Gísli Rúnar Flettingar í dag: 1598 Gestir í dag: 234 Flettingar í gær: 1023 Gestir í gær: 186 Samtals flettingar: 901547 Samtals gestir: 181139 Tölur uppfærðar: 19.5.2012 20:13:52 |
Höfundur síðu Nafn: Gísli Rúnar GylfasonFarsími: 863-4369Tölvupóstfang: gislirunar4@gmail.comHeimilisfang: Hlíðarvegur 8Staðsetning: Ólafsfjörður - hvað annað!Um: áttu efni/fréttir sem tengjast Ólafsfirði, sendu mér endilega línu.Tenglar Eldra efni
|
