Á þottablótinu í vetur vöktu skemmtiatriðin mikla lukku. Var það Sverrir Mannsa sem skrifaði að mestu rulluna og fékk svo með í lið valinkunna smillinga til að túlka grínið. Náðist þetta að hluta á myndband. Fyrsta myndbandið sem við birtum er frá því þegar skemmtinefndin fór með kynningarsöng skemmtinefndarinnar. Myndbandið má sér hér.

Það vantar aðeins á byrjunina á myndbandinu en hér er textinn í heild:

Kynningarsöngur skemmtinefndar
Lag: þá stundi Mundi

Höfundur alls þess sem í kvöld er hér flutt

Koma af sjónum í morgun svo æfing var stutt

Því Begga beið heima og vildi fá drátt

Því var skotið á fundi og reynt að ná sátt

Því stundi Sverrir, Begga mín Begga mín

Má það ei bíða að ég njóti þín

Í landi var Stulli  og stjórnaði her

Sem að á sviðinu stendur nú hér

En öfundin innst inni nagði hann

Helvítis kokkurinn hann þetta kann

Því stundi Stulli, Guðrún mín Guðrún mín

Víst get ég líka ort vísu til þín

Spilarinn Stjáni glamra hann kann

Á gítarinn góður lagið sitt spann

Hann tók hlátur rokur og sló sér á lær

Helvíti er á á gírarinn fær

Og svo stundi Stjáni, Helga mín Helga mín

Finnst þér ég nokkuð of montið svín

Leikarinn Tómar er hægur og skýr

Var með í öllu í höfðinu skýr

Hann auglýsti blótið og sa það vel um

Þó stundum hann sofnaði á verðinum

Þá sagði Tommi, Þurí mín Þurí mín

Þó ég sé gleyminn þá kem ég aftur til þín

Gummi okkar Garðars með sinn halta fót

Var alltaf svo hægur en styrkur sem grjót

Ef honum fannst við fara of geist

Það hefst allt að lokum þið vitið þú veist.

Og svo sagði Gummi, Þura mín Þura mín

Mikið var falleg, karl ræðan þín.

Bjössi minn Kjartans er einmanna sál

Kann betur við okkur svolítið við skál

Kartöflur vildi hann helst bara skralla

Og á tíunda bjórnum þá fór hann að tralla

Þá sagði Bjössi, Svava mín Svava mín

Ég held að ég sé orðinn ofdrykkjusvín

Svo er hún Lóa nýji formaðurinn

Sífellt hún vefur mér um fingurinn

Með loforðum fínum hún brýtur sum lög

Og í hjörtu okkar spilar með gamalli sög

Og svo syngur Lóa, Varði minn Varði minn

Ég vil ekki mjóa ég vil bara þinn.

Bæjarráð samþykkti að ráða Jónínu Magnúsdóttur sem skólastjóra Grunnskóla Fjallabyggðar, Olgu Gísladóttur sem skólastjóra Leikskóla Fjallabyggðar og Magnús G. Ólafsson sem skólastjóra Tónskóla Fjallabyggðar.Hægt er að lesa fundargerð bæjarráðs hér.

Á heimasíðu Tónskóla Ólafsfjarðar er sagt frá því að hljómsveitin IRONY muni taka þátt í Músík-tilraunum í ár. Hljómsveitin hefur spilað saman í tvö ár. Hér má hlusta á lag þeirra sem heitir Are you ready to say (það getur verið fljótara að hægri smella á lagaheitið og vista niður á tölvuna)

Gítar: Hulda Vilhjálmsdóttir   



Hljómsveitin IRONY

625.is langar að minna á félagsvistina sem fer fram öll þriðjudagskvöld kl. 20:00 í UÍÓ húsinu (við knattspyrnuvöllinn). Endilega að kíkja við ef þið hafið gaman af því að spila.

Nú þegar skíðavertíðin stendur sem hæst er í nógu að snúast hjá skíðafólki. Við höfum sagt frá Alexíu sem er á Ítalíu en nóg er einnig um að vera hér heima. Á heimasíðu Skíðafélags Ólafsfjarðar er t.a.m. sagt frá 5 keppendum sem voru í Stafdal í Seyðisfirði um helgina, þar varð Kara Gautadóttir í fyrsta sæti í bikarkeppni 13-14 ára og aðrir keppendur að gera fína hluti. Einnig var haldið Kristinsmót í skíðagöngu hér í Ólafsfirði um helgina. Nánar má lesa um þetta og aðrar skíðafréttir á heimasíðu Skíðafélags Ólafsfjarðar

Hvernig fréttir þú af 625.is

Á facebook

38,69%

Götubylgjunni

10,55%

Fann hana á netinu

24,62%

Annað

26,13%

Alls kusu 199

Eftirfarandi barst frá Samfylkingunni:
---
Fundur um komandi bæjarstórnarkosningar verður haldinn í húsi Félags eldri borgara í Ólafsfirði,fimmtudaginn 4. mars kl. 20.00
Á fundinum verður rætt um framboðsmál og stefnu Samfylkingarinnar í kosningum til bæjarstjórnar.
Þeir sem vilja hafa áhrif á bæjarmálin eru hvattir til að mæta.