625.is minnir á fundinn um viðburði í Ólafsfirði 2010:
---
Fundur vegna viðburða í Ólafsfirði árið 2010 verður haldinn mánudaginn 1. febrúar nk. á Brimnes Hóteli kl.20:00.
 
Þeir viðburðir sem eru á þessu ári verða til umræðu og fulltrúar fyrir þau eru endilega beðnir að mæta og kynna það sem er komið í gang hjá ykkur. Viðburðirnir eru t.d.
 
Bandýmót
Páska dagskrá
Sjómannadagshelgin
Blúshátíð
Nikulásarmót
Berjadagar
17 júní
Jólamarkaður

Forsvarsmenn annarra viðburða, stóra og smáa eru einnig hvattir til að mæta. Einnig verða ræddar hugmyndir að öðrum viðburðum. Ef þú hefur áhuga á að taka þátt, aðstoða við einhverja viðburðina, ert með nýjar hugmyndir eða jafvel bara forvitinn um hvað er að gerast skaltu endilega mæta á fundinn. Allir velkomnir.

NIKULÁSARMÓT LEIFTURS

Ólafsfirði 9. - 11. Júlí. 2010.

Í ár er Nikulásarmótið 20 ára og verður það haldið með glæsilegasta móti, mótið hefst um hádegi á föstudegi og lýkur um miðjan dag á sunnudag.
Undanfarin ár hefur aðsókn á mótið aukist til mikilla muna og hefur það aldrei verið stærra en í fyrra, því er um að gera fyrir félög að vera snemma í því að skrá inn þáttöku sína á mótinu..!

*Þátttökugjald er krónur 8.000- fyrir hvern einstakling.

Frítt er fyrir einn þjálfara með hverju liði.

Innifalið í þátttökugjaldi er m.a. mótsgjald,  gisting,  morgunmatur, hádegisverður, kvöldmatur, grillveisla og  sundmiðar.

Spilað er í A,B og C, liðum (7, 6, og 5 flokki) og er félögum heimilt að senda lið í alla flokka .

Verðlaun eru veitt fyrir þrjú efstu sætin í hverjum flokki,  auk þess fá allir keppendur verðlaunapening.

 Aukaverðlaun verða veitt fyrir háttvísi og framkomu.
Leiftur gefur síðan hverjum þátttakanda góða gjöf.

Þátttökutilkynningu þarf að staðfesta eigi síðar en 15. júní 2010.
Staðfestingargjald  er kr. 5.000- fyrir hvert lið.

Hlökkum til að hitta ykkur öll hress og kát á NIKULÁSARMÓTI

Einnig er hægt að fá upplýsingar á : leiftur@simnet.is

Mótanefnd

Samkvæmt gömlu tímatali þá byrjar Þorrinn alltaf á föstudegi á bilinu 19.-25. janúar. Nú fara íslendingar að halda sín árlegu Þorrablót. Leikskólinn lét ekki sitt eftir liggja og hélt veglega Þorraveislu í morgun. Krökkunum fannst flestum þetta bara fínasti matur. Svo voru þau öll búin að föndra þessu fínu "þorrahatta" og tóku þetta allt mjög hátíðlega.

Snjóframleiðsla í Tindaöxl  í Ólafsfirði. 

Ágæti bæjarbúi/atvinnurekandi. 

Áhugamenn um bætt aðgengi að skíðaiðkun í Ólafsfirði eru að skoða þá möguleika að framleiða snjó í neðrihluta skíðasvæðis í Tindaöxl ásamt því að bæta hluta göngusvæðis næst skíðaskála.

Við  skíðamenn í Ólafsfirði finnum verulega fyrir því snjóleysi sem hefur hrjáð okkur með verulegri fækkun iðkenda skíðafólks og þá sérstaklega barna.

Við höfum á undanförnum árum verið í ágætu samstarfi við Skíðafélag Dalvíkur og keyrt börnum þangað á æfingar, en það verður að segjast að þó það hafi gefist vel fyrir þá sem eru áhugasamastir eru, er ekki það sama að segja um almenna skíðaiðkun og sérstaklega hafa yngstu börnin verið afskipt.

Það sem er sérstakt fyrir  Ólafsfjörð er hvað gott aðgengi er að skíðasvæðinu, sem er nánast í miðbæ Ólafsfjarðar og þar af leiðandi hefur skíðaiðkun verið mikil í firðinum svo eftir hefur verið tekið. 

Skíðafélagið hefur fengið tilboð í tvær snjóbyssur frá Neskaupstað sem aldrei hafa veri settar upp þar vegna skorts á vatni í Oddskarði.

Byssurnar eru boðnar okkur fyrir 3.000.000.- (þrjár milljónir) ásamt slöngum köplum og öðrum fylgihlutum , sem er lítið brot af verði nýrra byssu, en það má reikna með að ný byssa kosti um 4.5 millj. í dag, auk fylgihluta.  

Dalvíkingar og Akureyringar hafa góða reynslu af snjóframleiðslu og hafa Dalvíkingar t.d. haldið sínu skíðasvæði opnu í allan vetur þegar ekki hefur tekist að hafa opið einn dag í Ólafsfirði.

Dalvíkingar hafa lagt um 50. millj. í svæðið hjá sér og fjármagnað það með styrkjum frá fyrirtækjum og einstaklingum t.d. gaf Sparisjóður Svarfdæla tvær byssur, en fjórar byssur eru á skíðasvæðinu og eru þær reknar með rekstrarstyrk frá 18 fyrirtækjum á Dalvík. 

Við áhugmenn um þetta erum ekki að fara að framleiða snjó í allt skíðasvæðið heldur neðra svæði að staur fjögur, en það er mjög vel til þess fallið vegna þess hvað það er gróið og aðgengilegt fyrir börn.  

Það er von okkar að fyrirtæki þitt taki vel í þessa hugmynd og styrki þannig og efli skíðaíþróttina í Ólafsfirði. 

Kær kveðja f.h. áhugamanna