Lið Krúsó (Valberg/Kristbjörg/Samkaup-Úrval) átti frábæra hugmynd að búningum á síðasta bandýmóti. Þeir komu sem steinaldarfjölskyldan Flinstones. Ekki væri þetta frásögu færandi nema að þau voru á bíl sem var "knúinn með eigin vélarafli". Bíllinn hefur staðið fyrir utan netaverkstæðið frá því í vor. Í sumar var heilbrigðiseftirlitið á staðnum að biðja fólk um að fjarlægja gamla bíla, ekki varð þessi "kaggi" úttundan, enda löngu komin til ára sinna (fyrst hann er nú frá steinaldartímabilinu).


Bíll Flinstones fjölskyldunnar :-)


Vinsamlegast fjarlægið þessa "ekki/sjálfrennireið" :-)

Steypuklæðning í Ólafsfjarðargöngum hrundi niður á ellefta tímanum í gærkvöldi með þeim afleiðingum að göngin lokuðust. Einn bíll skemmdist töluvert þegar hann keyrði á brotna klæðninguna en engin slys urðu á fólki. Starfsmenn Vegagerðarinnar eru nú við störf í göngunum en ekki er vitað hvenær þau verða opnuð á ný.

Samkvæmt lögreglunni á Akureyri var lengi vel óttast að meiri steypuklæðning gæfi sig og hryndi niður. Eina færa leiðin nú til Ólafsfjarðar sé yfir Lágheiði, sem er talsverður krókur, þar sem gamli Múlavegurinn er lokaður.
http://mbl.is/mm/frettir/innlent/2009/10/08/hrun_i_olafsfjardargongum/

Það er því spurning hvort Ólafsfirðingar fái nýja merkinginu á setningarnar "fyrir og eftir hrun" einnig hefur því verið velt upp hvort gamli Drangur þurfi að mæta á svæðið aftur!

Nýr starfsmaður hefur hafið störf við félagsþjónustuna.Starfsmaðurinn heitir Júlía Sæmundsdóttir og er félagsráðgjafi að mennt. Júlía tók formlega til starfa þriðjudaginn 6. október og verður hún með starfsaðstöðu á bæjarskrifstofunni í Ólafsfirði.

Í frétt stöðvar 2 í kvöld þar sem fjallað var um skuldir ríkisins var vitnað í íbúðaverð húseignar í Ólafsfirði. Talað er um að skuldir ríkisins á næsta ári verði það miklar að ef hún deilist jafnt á alla Íslendinga þá verði skuldin 5,5, milljónir króna á haus. Fyrir það fé væri hægt að kaupa fallegt timburhús í Ólafsfirði.
Ekki var farið alveg með rétt mál, þar sem önnur hæðin er á 5,6 milljónir en hin á 4,9 milljónir.
Hér er hægt að horfa á frétt stöðvar 2 og hér er hægt að sjá íbúðina til sölu á domus.is

Myndin er fengin af domus.is en þar er húsið til sölu.

Fjallabyggð er að auglýsa eftir að þeir einstaklingar og félagasamtök sem hafa hug á að sækja um styrki eða framlög vegna starfsemi ársins 2010 er bent á að senda inn umsóknir til bæjaryfirvalda í síðasta lagi 19. október n.k.

Einnig er íbúum, félagasamtökum og fyrirtækjum í Fjallabyggð gefinn kostur á að koma með erindi, tillögur og/eða ábendingar er varða fjárhagsáætlun 2010. Hægt er að kynna sér málið nánar á heimasíðu Fjallabyggðar 

Í lok ágúst voru opnuð tilboð í sorphirðu í Fjallabyggð, tilboð bárust frá þremur aðilum og nokkur frávikstilboð frá þeim þar að auki.

Ákveðið hefur verið að ganga að tilboði Íslenska gámafélagsins ehf í sorphirðu og sorpeyðingu í Fjallabyggð og er félagið þegar komið með sýna gáma til Siglufjarðar og taka við á Ólafsfirði núna á allra næstu dögum.

Megin markmiðið með útboði var að uppfylla kröfur um úrbætur í umhverfismálum, bæta þjónustu við íbúa og gera kostnaðinn sýnilegri.

Með því að taka tilboði ÍG ehf. er hægt að uppfylla öll markmiðin sem lagt var upp með. Varðandi umhverfismálin þá verður farið út í gerbreytta meðhöndlun á sorpinu, sorp verður flokkað í þrjá megin flokka á heimilum og móttökustöðum. Endurvinnsla verður stóraukin, allt sem mögulega hægt er að koma í endurvinnslu verður komið í þann farveg. Fjárhagslega er sveitafélagið að spara umtalsverðan pening miðað við það sem kostnaður við sorphirðu hefur verið hingað til.

Á næstu dögum mun fyrirtækið koma sér fyrir í sveitafélaginu með sinn búnað og ráða starfsfólk til að sinna ýmsum verkefnum, fljótlega verður svo farið af stað með almenna kynningu á framtíðaráformum í sorpmálum í sveitafélaginu.