Framkvæmdir við Sundlaugina

Eins og flestir bæjarbúar vita hafa framkvæmdir staðið yfir við sundlaugina í allt sumar (og í vetur líka). Byrjað er að flísaleggja pottana og styttist í að sundlaugin opni (þó eitthvað lengra í að pottarnir verði klárir og því verður sundlaugin sjálf opnuð fyrst). Bæjarráð Fjallabyggðar samþykkti á fundi sínum í gær tillögu frístundanefndar að ganga að tilboði frá Spennandi ehf um kaup á rennibraut. Afhendingartími er 45 dagar og uppsetningartími um vika. Ef allt gengur upp ætti rennibrautin því að vera klár í byrjun október þegar Héðinsfjarðargöng verða opnuð.
Það eru komnar myndir af framkvæmdunum í myndaalbúmið (teknar í gær).

Pottarnir flísalagðir