625.is kíkti við á skyndhjálparnámskeið hjá unglingadeild Björgunarsveitarinnar í morgun. Unglingasveitin heitir Djarfur en Björgunarsveitin Tindur. Harpa Jóns sá um kennsluna enda orðin vel vön og menntuð í slíkum fræðum. Það er mikilvægt að þessir unglingar læri undirstöðuatriði í skyndihjálp og björgun, enda sá hópur sem mun taka við björgunarsveitinni í framtíðinni.

Getur verið erfitt að sitja á "skólabekk" á laugardagsmorgni.


Harpa Hlín

Íslenska Gámafélagið mun halda íbúafund varðandi breytt fyrirkomulag í sorphirðu í sveitarfélaginu. Á fundinum verður m.a. kynntur árangur af verkefninu ásamt því að íbúm gefst kostur á að taka þátt í umræðum.

Fundirnir verða haldnir sem hér segir:

Í Ólafsfirði mánudaginn 1. mars kl. 20:00
Á Siglufirði þriðjudaginn 2. mars kl. 20.00

Eftirfarandi barst frá Fjallabyggð:
---

Menningarnefnd Fjallabyggðar auglýsir eftir umsóknum og /eða rökstuddum ábendingum um bæjarlistamann Fjallabyggðar 2010

Markmiðið með því að tilnefna bæjarlistamann ár hvert er að hvetja og auka áhuga á listsköpun og bæta menningarlíf íbúa. Um leið er það viðurkenning bæjaryfirvalda að sköpun og list skipti samfélagið máli. Loks er slík nafnbót auglýsing á listamanninum og sveitarfélaginu. Styrkur til bæjarlistamanns 2010 nemur kr. 250.000.

Umsóknir skulu berast fyrir 17. mars 2010 til Karítasar Skarphéðinsdóttur Neff, fræðslu- og menningarfulltrúa, Ólafsvegi 4, 625, Ólafsfirði, sími 464 9200.

Reglur um tilnefningu bæjarlistamanns Fjallabyggðar 

1.gr.
Menningarnefnd Fjallabyggðar veitir listamanni í Fjallabyggð nafnbótina ,,Bæjarlistamaður Fjallabyggðar", ásamt styrk til eins árs. Aðeins þeir listamenn sem búsettir hafa verið í Fjallabyggð að minnsta kosti um tveggja ára skeið koma til greina.  Nafnbótin getur hvort sem er hlotnast einstaklingum eða hópi.

2. gr.
Styrkurinn  skal vera ákveðin upphæð á ári samkvæmt fjárhagsáætlun.  Upphæð styrks skal koma fram þegar auglýst er eftir bæjarlistamanni.
                                                           
3. gr.
Menningarnefnd auglýsir eftir umsóknum og/eða óskar eftir rökstuddum ábendingum um bæjarlistamann, en er þó ekki bundin af því. Auglýst skal í bæjarblöðum og á heimasíðu Fjallabyggðar fyrir 25. nóvember ár hvert. Ákvörðun um bæjarlistamann er tekin af menningarnefnd ásamt óháðum fagaðila.

4. gr.
Í umsókn listamanns skal koma fram á hvern hátt hann hugsi sér að láta  sveitarfélagið og íbúa þess njóta listar sinnar. Það getur t.d. verið  með sýningar- eða tónleikahaldi, samstarfi við félög bæjarins og skóla, eldri borgara og/eða aðra listamenn í sveitarfélaginu í samráði við menningarfulltrúa. Í lok árs skal bæjarlistamaður gera menningarnefnd stuttlega grein fyrir því hvernig til hefur tekist,  með greinargerð.

5.gr.
Bæjarlistamaður er tilnefndur í upphafi árs út almanaksárið. Menningarnefnd mælist til þess að "Bæjarlistamaður Fjallabyggðar" láti nafnbótina koma fram sem víðast. 

6.  gr.
Gera skal skriflegan samning við bæjarlistamann.

7. gr.
Reglur þessar taka gildi við samþykkt þeirra í bæjarstjórn.

Samþykkt á 44. fundi bæjarstjórnar 15. desember 2009 

Jæja, þá er það ákveðið. Bandýmót verður haldið 8. maí.
Þetta eru upphafsorð í frétt á vef bandývinafélagsins, en þar segir að ekki sé hægt annað eftir frábæru viðtökur í könnuninni á síðunni. Alls kusu 80 manns á einni viku og allir nema 5 vilja mót. Þetta er nokkuð skýr afstaða.

Mótið verður sem sagt 8. maí og verður nánar greint frá tilhögun seinna. Nú er bara að fara að hanna búninga og semja og æfa innkomur og kynningar.

Lið Hornbrekku (mynd af vef Bandývinafélagsins: bandy.fjallabyggd.is)

Á bloggsíðu kleifabergsins má finna hlekk á myndband frá síðasta túr Kleifabergsins þegar þeir voru á Ufsaveiðum. Myndbandið má finna hér.

Árshátíð Slysavarnardeildar kvenna í Ólafsfirði verður haldin laugardaginn 27. febrúar.
Miðasala verður öllum opin og fer hún fram í Tjarnarborg fimmtudagskvöld kl. 20:00-22:00.
ATH. ef ekki seljast a.m.k. 60 miðar verður hátíðinni aflýst.

Tónleikar tónskólans:

Fengum sendar fréttir áf því hvað sé framundan hjá KS/Leiftri:
----
Búið er að draga í bikarkeppni KSÍ. 
KS/Leiftur sitja hjá í fyrstu umferð og koa svo inn í 2. umferð og spila þá heima í ólafsfirði við við Magna eða Tindastól (sem takast á í fyrstu umferð)
Leikurinn verður þann 18. maí. kl. 19:00.
Síðan koma úrvalsdeildarliðin strax í 3ju umferð þ.e.a.s. 32 liða þannig að ef
KS/Leiftur vinnur leikinn þann 18. maí er ekki ólíklegt að þeir keppi við úrvalsdeildarlið. 
 
Annars byrjar deildarbikarinn síðan nú um miðjan mars og þá má segja
að undurbúningur fyrir sumarið hefjist að fullu, þó svo að strákarnir séu fyrir löngu byrjaðir að
æfa af krafti.
sunnudaginn 14. mars kl. 20:00  verður svo leikur KS/Leiftur - Völsungur í Boganum.

Eftirfarandi barst 625.is:
---
Þriðjudaginn 2. mars verður haldin skólahreystikeppni í íþróttahúsinu kl.13:00. Þar etja kappi nemendur í eldri bekkjum grunnskólans auk þess sem nemendur frá Dalvíkurskóla koma og reyna með sér. Þetta er forkeppni til að velja fulltrúa þessara skóla fyrir landshlutakeppnina sem verður 11.mars á Akureyri  kl.15:00.
Keppt verður í hraðabraut auk þess sem keppt er í upphífingum, dýfum, armbeygjum og fitnessgreip. Keppnisrétt hafa allir nemendur í 8. 9. og 10. bekk. Þar að auki keppa tveir bestu nemendur af báðum kynjum í 6. og  7. bekk í hraðabrautinni. Allir eru velkomnir til að fylgjast með á meðan húsrúm leyfir. Aðgangur er ókeypis.
 
Kveðja, Mæja og Valla.
 

Aðalfundur hestamannafélagsins Gnýfara verður haldinn í Tuggunni, félagshúsi hestamanna laugardaginn 27. febrúar kl. 14:00. Á dagskrá verða venjuleg aðalfundarstörf.

Það eru komnar inn myndir frá Yukigassen leiknum á vatninu í morgun. Því miður þá fór að snjóa mikið og því ekki til myndir af keppninni sjálfri. Myndirnar eru frá því að verið var að búa til völlinn.

yukigassen völlurinn að verða klár

Á heimasíðu Skíðafélagsins er sagt frá því að Það verður opið á morgun sunnudag frá kl 13:00 til kl: 17:00 ef ekkert kemur upp á.
Nánari upplýsingar verður að finna á símsvara félagsins um það hvort hægt verið að opna. símanúmerið þar er: 878-1977

Einnig má lesa fréttir af árangri skíðamanna nú um helgina á heimasíðu félagsins

Ferðafélagið Trölli ætlar að prófa að setja upp Yukigassen völl og skella sér í snjókast. Mæting út á Ólafsfjarðarvatn sunnudaginn 21. febrúar kl. 10:00. Mikilvægt er að börn komi í fylgd með fullorðnum, taka með sér skóflur, hlý föt, hjálm, hlífðargleraugu og góða skapið.

Fyrir þá sem ekki vita er Yukigassen mikið stundað í japan og er í raun snjókast milli tveggja liða á leikvelli og fylgt er ákveðnum reglum. Draumur ferðafélagsins er að halda fyrstu Yukigassen keppni á Íslandi um páskana og þurfum við því að taka smá æfingu og ætlum okkur að gera það á sunnudaginn. Þetta verður því sennilega í fyrsta skipti sem settur er upp svona völlur á Íslandi og vonandi verður mæting nægilega góð til að ná í tvö eða fleiri lið.
Hér má sjá smá sýnishorn af Yukigassen á youtube.


Yukigassen

Það snjóar heldur betur í Ólafsfirði í dag (myndin tekin um 11:30 í morgun)

Snjómokstur í Fjallabyggð hefur verið mikið í umræðunni undanfarna daga. Bæjarstjórn Fjallabyggðar samþykkti á fundi sínum í vikunni vissar breytingar í þjónustumiðstöðvum Fjallabyggðar (áhaldahúsunum). Starfsemi þjónustumiðstöðva verður sameinuð í eina stofnun og verkefni þjónustumiðstöðva í Ólafsfirði og á Siglufirði samræmd og umfang starfseminnar minnkað. Í nýrri þjónustumiðstöð er gert er ráð fyrir sjö stöðugildum sem þýðir fækkun um fjögur stöðugildi frá því sem nú er.

Starfsmaður áhaldahússins á Siglufirði gagnrýndi þær breytingar sem fyrirhugaðar eru á Siglufirði varðandi snjómokstur í viðtali við svæðisútvarpið. 
Þar hefur verið notaður payloder við snjómokstur (sem er í eigu sveitarfélagsins) og minni grafa verið kölluð til af verktökum af þarf á að halda. Nú hefur verið samþykkt að kaupa gröfu á Siglufjörð og væntanlega verður paylodernum skipt niður fyrir minna tæki og vinna á payloder verður keypt af verktökum eins og gert er í Ólafsfirði. Þetta kallar starfsmaður áhaldahússins á Siglufirði svokallaða "Ólafsfjarðarleið", og telur að sú aðferð muni ekki henta fyrir Siglufjörð.  
 viðtalið hér

Fréttin er unnin upp að hluta úr frétt á vef Rúv. (sjá fréttina frá Rúv í heild hér)

 
Tvíburamokstur er þekkt aðferð hér í Ólafsfirði. Með þessari aðferð er verið að sameina krafta tveggja véla í eitt og er því hægt að flytja mikið magn af snjó í einu. Á dráttvélinni er Gísli Kristinnson og á "nýju" gröfunni er Baldur Jónsson.