Piparkökur málaðar á leikskólanum

28.11.2009 21:59

Ljósmyndasýning Gísla Kristins

Gísli Kristinsson áhugaljósmyndari (og bæjarverkstjóri) opnaði í dag ljósmyndasýningu í listhúsi Fjallabyggðar (þar sem Heimaval/Glaumbær var). Þeir sem ekki komust í dag þurfa ekki að örvænta því sýningin verður opin eftirfarandi næstu vikuna:

Sunnudagurinn 29. nóvember kl. 14:00-17:00
Vikan 30. nóvember til 4. desember kl. 16:00-18:00
Laugardagurinn 5. desember kl. 14:00-17:00
Sunnudagurinn 6. desember kl. 14:00-17:00

Skrifað af Gísli Rúnar

28.11.2009 21:49

Jóladagur í Ólafsfirði

Í dag var mikil jólagleði í Ólafsfirði. Jólahúsin voru vígð og var jólamarkaður að hluta í þeim og inn í Tjarnarborg svo var kveikt á jólaténu. Fullt af myndum frá deginum í myndaalbúminu.

Skrifað af Gísli Rúnar

28.11.2009 21:31

Lukkuleiksmiðar foreldrafélagsins

Þeir sem hafa ekki enn tryggt sér lukkuleiksmiða geta núna um helgina nálgast þá hjá Rósu Jóns, Gullu Björk eða Kristjönu Margréti. Miðarnir er til styrktar íþróttabörnum í Ólafsfirði og eru fullt af flottum vinningum í boði. Miðinn kostar kr. 250.-

Skrifað af Gísli Rúnar

28.11.2009 20:14

Ungir og gamlir Leiftursmenn takast á

Í morgun áttust við í íþróttahúsinu á Ólafsfirði Ungir-Gamlir hjá meistaraflokki KS Leifturs (austurbær). Það er skemmst frá því að segja að ungir áttu aldrei breik í leiknum og voru yfirburðir Gömlu mannanna slíkir að hætt var að telja markamuninn á tímabili!!! Heiðar, Þorvaldur Sveinn, Albert og Viktor skipuðu lið meistaranna en ungu kjúllarnir voru Kristó, Ingimar, Kristófer og Halldór. Spurning hvort reynsaln hafi verið of sterkt vopn fyrir ungu guttana.

Sigurliðið, ánægðir með árangurinn.

Tapliðið frekar svekktir þessir strákar, gengur betur næst.

Skrifað af Gísli Rúnar

27.11.2009 12:15

Alexía á alþjóðlegt mót?

Á heimasíðu Skíðafélags Ólafsfjarðar er sagt frá því að Skíðasamband Íslands hefur valið 6 keppendur á aldrinum 13 - 14 ára sem eiga möguleika á að fara og keppa á alþjóðlegu móti í Topolino á næsta ári og eigum við ólafsfirðingar eina stúlku í þessum hópi, Alexíu Maríu Gestsdóttur (Steinu og Gests).

Skrifað af Gísli Rúnar

27.11.2009 12:10

Jólatréð við Tjarnarborg

Eins og fram hefur komið hjá okkur þá er búið að koma jólahúsunum fyrir. Magnús A Sveinsson sendi 625.is þessar myndir þegar bæjarstarfsmenn voru að koma seríu fyrir á jólatrénu.

Gísli Kristins frekar kuldarlegur við verkið.

Skrifað af Gísli Rúnar

26.11.2009 17:25

Tré fært til upphaflegs eiganda

Þegar Sigurjón Magnússon seldi Aðalgötu 37 fylgdu ströng skilyrði fyrir sölunni. En það var að ef tréð sem hann gróðursetti þar ætti að fara úr garðinu þá ætti hann rétt á því að fá það. Það kom svo að því að tréð átti að fara og stóðu kaupendurnir við gerðan samning. Sigurjón sótti tréð á dögunum og kom því fyrir á Brimnesi þar sem hann býr nú, stóra spurningin er svo hvort það hafi lifað "ferðalagið" af.

Ekki var um litla hríslu að ræða (Myndina tók Gísli Kristinsson)

Komið á sinn stað á Brimnesi (til hægri)

Skrifað af Gísli Rúnar

26.11.2009 17:20

Tunnufestingar

Vélsmiðja Einars Ámunda hefur hannað tunnufestingar fyrir þær þrjár tunnur sem Fjallabyggð er að fara að taka í gagnið á næstunni. Áhugasamir geta haft samand við Einar Ámunda. Hér að neðan má sjá nokkrar útfærslur á festingunni (ástæðan fyrir því að einhver er með úrtekið í miðjunni er vegna þess að tvær tunnur eru með festingu í miðjunni sem þarf að komast fyrir og ein ekki)
Er þetta fest á vegg eða í tunnuskýlin og krækjast tunnurnar upp á þetta og fjúka þar af leiðandi ekki í burtu.

Hægt að fá þetta húðað og úr áli.

Skrifað af Gísli Rúnar

26.11.2009 12:10

Matti Sigvalda ráðinn aðstoðarþjálfari KS/Leifturs

Búið er að ganga frá því að Matthías Sigvaldason (Sissa og Helgu) verður aðstoðarþjálfari hjá meistaraflokki KS/Leifturs í sumar, auk þess verður Matthías yfirþjálfari yngriflokka Leifturs.
Matthías spilaði lengst af með Leiftri en hefur einnig spilað með Fjölni og Dalvík.
Matti hefur komið nokkuð að þjálfun gerði m.a. 4. flokk karla hjá Leiftri að Íslandsmeisturum árið 1997. Það er alltaf gaman þegar "gamlir Ólafsfirðingar" koma á heimaslóðir aftur.

Matti

Skrifað af Gísli Rúnar

23.11.2009 17:29

Snúningshringur við norðurenda Hlíðarvegs

Hingað til hefur frágangur við norðurenda Hlíðarvegs ekki verið mjög góður. Þar sem um botnlanga er að ræða hefur það reynst erfitt að snúa bílunum við nema að fara inn á bílastæði húsanna í kring. Björn Ara tók sig til og keyrði og lagði til efni sjálfur til að hægt væri að snúa án þess að keyra inn á einkalóðir.

Björn Ara að slétta úr efninu sem hann keyrði

Nú er hægt að ná snúningnum án þess að þurfa að bakka.

Skrifað af Gísli Rúnar

23.11.2009 12:50

Jólahúsunum komið fyrir

Nú er búið að smíða jólahúsin og er búið að koma þeim fyrir við Tjarnarborg. Húsin verða notuð til að búa til jólamarkaðsstemningu þegar kveikt verður á jólatrénu 28. nóvember nk. Þá verður markaður í Tjarnarborg (og húsunum), kakó piparkökur verða á sínum stað og auðvitað mæta jólasveinarnir. Einnig er búið að koma fyrir einu stærra húsi og verður veitingastaðurinn Höllin með veitingar þar inni á meðan að á þessu stendur.
Markaðurinn byrjar kl. 14:00 og stendur til 18:00. Kveikt verður á jólatrénu kl. 16:00.
Myndir í myndaalbúminu

Þegar jólatréð verður komið á sinn stað og búið að skreyta húsin verður þetta ótrúlega flott.

Skrifað af Gísli Rúnar

21.11.2009 21:14

Fjallabyggð áfram í Útsvari

Fjallabyggð lagði nú rétt í þessu Akranes í Útsvari, spurningarkeppni sveitarfélaga sem sýndur er í Ríkissjónvarðinu á laugardagskvöldum í vetur. Eins og fram hefur komið hér á síðunni var liðið skipað upprunalegum keppendum. Fjallabyggð keppir annað hvort rétt fyrir jól eða eftir áramót. Það eru tveir þættir eftir af þessari umferð og þá verður dregið í næstu umferð.

Inga Eiríksdóttir, Guðmundur Ólafsson og Þórarinn Hannesson

Skrifað af Gísli Rúnar

20.11.2009 00:49

Stjórn Skíðafélags Ólafsfjarðar

Á aðalfundi Skíðafélags Ólafsfjarðar 18. nóvember al. var ný stjórn félagsins kosin, einnig var kosið í Alpagreinanefnd og göngunefnd. Einnig var samþykkt lagabreytingar og verður reikningsár félagsins nú miðað við almanaksárið og aðalfundur skal haldin eigi síðar en 20.febrúar ár hvert. Þessi stjórn mun því starfa fram að næsta aðalfundi í febrúar og þar verða lagðir fram reikningar frá 1. september til 31. desember.

Stjórn Skíðafélagsins skipa:

Sigurpáll Gunnarsson (Formaður)

Aðalbjörg Snorradóttir

Kristrún Þorvaldsdóttir

Steinunn Gunnarsdóttir

Kristín Davíðsdóttir gaf ekki kost á sér til áframhaldandi setu og þar sem enginn hefur boðið sig fram mun ný stjórn leita að fimmta manninum í stjórn.

Nánar um nefndir og aðrar fréttir er að finna á heimasíðu Skíðafélagsins, http://skiol.fjallabyggd.is

Skrifað af Gísli Rúnar