Sagt var frá flottum regnboga hér á síðunni fyrir nokkru, það voru nokkrir strákar sem lögðu leið sína í að ná honum. Þessi mynd barst 625.is frá Sigujóni Magnússyni, en strákarnir voru að reyna að ná í regnbogann þegar hann smellti þessari mynd af þeim. Ætli það sé nokkuð hægt að komast nær því að ná í regnbogann.

625.is fær reglulega sendar fréttir af gangi máli hjá frjálsíþróttaþjálfara UMSE, en eins og fram hefur komið hér á síðunni þá eru nokkrir krakkar frá Ólafsfirði að æfa með þeim. T.a.m. þá náði Leó Pétur (Magga og Rutar) tveimur bronsverðlaunum á íslandsmeistaramóti 15-22 ára nú um helgina, hér er pósturinn frá Ara þjálfara í heild:
---
Hér er árangurinn af mótinu um helgina ( Íslandsmeistaramót 15-22 ára )

Við fengum 4 silfur og 5 brons á þessu móti og enduðum í 7. sæti af 22 félögum í heildarstigakeppninni

Þeir sem fóru voru

Anton Orri Grenivík ( silfur og brons)

Jónas,    2 silfur og eitt brons
Kristján  2 silfur og eitt brons
Daníel Godsk Samherjum
Fjóla Björg Samherjum   ( Silfur )
Hrafn Logi Samherjum
Hermann Samherjum    ( brons )

Guðlaug Jana Smáranum ( eitt silfur )
Steinunn Erla Smáranum

Harpa Konráðs Reyni

Snorri Eldjárn Dalvík ( silfur og 2 brons)

Leó Pétur Ólafsfirði ( 2 brons )

12 krakkar

Ágætur árangur náðist nú um helgina hjá unglingunum og mikið um bætingar.

VIð fengum 4 silfur  5 brons

Hrafn Logi Sigmundsson Samherjum átti góða helgi og bætti sig í 100m ( 12,20 sek) og 200m ( ) og í 300m grind ( 45,00 sek ) og náði þar lágmarki í úrvalshóp

Hermann Sæmundsson Samherjum bætti sig í 100m og 200m og komst í úrvalshóp í 300m grind (44,52 sek ) og varð í 3. sæti í þeirri grein

Kristján Godsk Rögnvaldsson Samherjum varð 2. í 400m

Jónas Godsk Rögnvaldsson varð 2. í 300m grind og stórbætti sig í þeirri grein ( 43,32 sek ) og komst í úrvalshóp, Jónas var mjög ferskur um helgina og hljóp vel og bætti sig í ,200m,300m grind og í 400m boðhlaupinu hljóp hann ,,splittið,, á 53,05 sek sem er 3 sekúndna bæting hjá honum 

Snorri Eldjárn Hauksson Dalvík varð 3. í 300m grind og stóð sig vel á sínu fyrsta móti með UMSE

Guðlaug Jana Smáranum varð í 2. sæti í kringlu og bætti sig ( 25,37m )

Fjóla Björg Heiðarsdóttir Samherjum varð í 2. sæti í sleggjukasti

Leó Pétur Ólafsfirði átti góða helgi og varð 3. í sleggjukasti og kastaði 40,30m sem er bæting og hann varð 3. í spjótkasti með 44,62 m

Boðhlaupssveitirnar okkar í ungkarlaflokki gerðu góða hluti. Ungkarlarnir urðu í 3. sæti í 4x100m boðhlaupi En þar voru Anton Orri Grenivík, Kristján Godsk og Jónas Godsk Samherjum og Snorri Eldjárn Dalvík,. Þeir hlupu á 47,15 sek

Svo fengu þessir sömu drengir silfur í 4x400m boðhlaup og hlupu í þessari röð Anton,Snorri,Kristján og Jónas á síðasta spretti sem var frábær hjá honum en þeir bræður Kristján og Jónas átu upp forskotið sem A-sveit ÍR var kominn með og munaði bara 2 sekúndum á fyrsta og öðru sæti. tími þeirra var 3;41,16 mín sem er bæting hjá UMSE og líklega héraðsmet

UMSE varð í 7. sæti af 21 liði í heildarstigakeppninni og hefur okkur oft gengið betur en fínn árangur hjá 12 krökkum


Kveðja Ari

Veiðifélagið Hlunkarnir héldu í gæs 29. ágúst sl. Alls veiddu þeir 42 grágæsir þennan morgun í Skagafirðinum. Veiðifélagið Hlunkarnir samanstendur af Rögnvaldi Reginskyttu Jónssyni og Andra stórskyttu Víglundssyni. Þeir nota hleðslu frá Rögnvaldi en  að þeirra sögn er" veiðitímabilið of stutt til að treysta einhverju öðru" :-)
Rögnvaldur Jóns sendi þessar myndir af "Hlunkunum"

Í dag fimmtudaginn 28.08. 2003 eru 15 ár frá því að aurskriður féllu úr Tindaöxl og niður í bæ.

Eftir ótrúlega miklar rigningar á Tröllaskaga  féll síðdegis 28.08.1988 stór aurskriða úr Tindaöxl og alveg niður í tjörnina í miðbænum og fyllti hana. Um 3 klst. síðar féll önnur nokkru minni . Skriðurnar ollu gífurlegum skemmdum aðallega á görðum og holræsakerfi bæjarins, en hús skemmdust mikið af vatnselg og aur, en ekki þó þannig að óíbúðarhæf yrðu að loknum hreingerningum og viðgerðum. Fleiri skriður féllu um allan fjörð. Þá tók skriða í sundur hitaveituæð á Garðsdal. Fjöldi íbúðarhúsa voru rýmd í nokkra daga. Múlavegur varð algjörlega ófær af vatnavöxtum og skriðum og vegir í sveitinni fóru í sundur.

Það var mesta mildi að enginn skyldi slasast í þessum látum, en mikil umferð var til að skoða vatnavexti sem voru gríðarlegir. Það var eins og yfir hafsjó að líta í miðbænum.Skriður tóku m.a.með sér tvo bíla  sem í voru fjölskyldur á ferð og er mesta mildi að engan sakaði nema bílana.

Þegar stytta tók upp hófst mikið hreinsunar- og viðgerðarstarf sem tók langan tíma og komu þá í ljós meiri skemmdir af völdum vatns en áður var talið. Fjöldi sjálfboðaliða tók þátt í hreinsunarstarfinu sem gekk ótrúlega vel með samheldni íbúa og velvildarmanna Ólafsfjarðar.

í kjölfar þessara náttúruhamfara voru grafnir skurðir í fjallinu fyrir ofan bæinn og virðast þeir hafa gefið góða raun og er talið að þeir hafi komið í veg fyrir fleiri skriðuföll síðar um haustið. Það hafa ekki fallið fleiri skriður á þessum stað og eiga skurðirnir töluverðan þátt í því. Það skal þó tekið fram að það hefur ekki rignt eins mikið undanfarin 15 ár og gerði haustið 1988.
http://www.olafsfjordur.is/frettir/frettir.asp?id=192

Mynd úr ljósmyndasýningunni sem Svavar B. Magnússon hélt í sumar um þennan atburð.

Úr fundargerð bæjarráðs:(sjá fundargerðina hér í heild)

Svavar B. Magnússon hefur tilkynnt að hann vildi gefa Fjallabyggð ljósmyndir þær sem í sumar hafa verið til sýnis á torginu við Tjarnarborg í Ólafsfirði.  Jafnframt óskaði hann eftir að Fjallabyggð sæi um niðurtöku og varðveislu á myndum.
Bæjarráð þiggur gjöfina og færir Svavari þakkir fyrir.  Jafnframt samþykkir bæjarráð að ljósmyndirnar verði til sýnis á Siglufirði nú í haust.

35 km/klst. = 36,67%

50 km/klst. = 61,11%

Alveg sama = 2,22%

Þarna er því klárlega meirihluti sem vill halda 50 km/klst á Aðalgötunni. Skipulags- og umhverfisnefnd hefur snúið fyrri ákvörðun sinni og ætlar að hækka hámarkshraða á Aðalgötunni aftur í 50 km/klst. Hins vegar verður 35 í bænum að öðru leiti.

Ný skoðunarkönnun er komin inn þar sem spurt er um aldur þeirra sem nota síðuna.

Í dag voru fjórir strákar komnir saman til að vera á brimbrettum í fjörunni fyrir neðan Brimnes. Það eru komnar myndir í myndaalbúmið.

Bílaverkstæðið Múlatindur hefur hafið framkvæmdir vegna fyrirhugaðrar stækkunar á verkstæðinu. Skipulags- og umhverfisnefnd samþykkti á fundi sínum stækknunina á fundi 12. ágúst sl. og því allt komið á fullt. Þessi mynd var tekin þegar byrjað var að grafa við norðurhluta Múlatindsæ en ætlunin er að stækka sprautunarklefa verkstæðisins og hækka þakið. 625.is mun fylgjast með framgangi mála næstu vikurnar.

Þessi regnbogi birtist í rigningunni í gær. Ekki er víst hvort að gullpottur sé við Brimnes en það fóru nokkrir ungir drengir að athuga málið.