7. bætingarmót UMSE/UFA ( sleggjukastshlutinn) fór fram á Dalvík í dag og það er óhætt að segja að þar varð metaregn í rigningunni

Eir Starradóttir frá Svalbarsðeyri setti tvö Íslandsmet í flokki 13-14 ára. Fyrst setti hún Íslandsmet í sínum aldurflokki með kvennasleggjunni ( 4kg) þegar hún kastaði 29,90 m og bætti Íslandsmetið um 57 cm. Næst keppti hún með 3 kg sleggjuna og kastaði henni frábærlega en lengst kastaði hún 37,90 m sem var frábært kast og bætti hún Íslandsmetið um 1,7 m

Sigurbjörg Áróra Ásgeirsdóttir frá Ólafsfirði setti einnig tvö Íslandsmet í flokki 12 ára og yngri, fyrst bætti hún eigið Íslandsmet með 2 kg sleggju þegar hún kastaði 26,16 m og bætti eigið met um nærri tvo metra, síðan kastaði hún 3 kg sleggjunni og stórbætti Íslandsmet 12 ára og yngri með þeirri sleggju um tæplega sex metra

Það má vekja athygli á því að sleggjukast hefur verið í mikilli sókn hjá UMSE og eru nú um 12 krakkar að æfa sleggjukast hjá UMSE hjá þjálfara sínum Ara H Jósavinssyni og eru þessir krakkar búsettir á svæði sem nær frá Svalbarðeyri að Ólafsfirði. Það hefur verið góð kynning á þessari grein undanfarið og höfum við notið fulltingis frá Eggerti Bogasyni þjálfara FH og skjólstæðingi hans Bergi Inga Péturssyni Ólympíufara og Íslandsmethafa í sleggjukasti.

Það má vekja athygli á því að á morgun miðvikudag verður 1. bætingarmót Umf Svarfdæla haldið á Dalvík og verða þessar stelpur aftur í eldlínunni og ætla að sjálfsögðu að reyna bæta eigin met. Mótið hefst klukkan 12:20 og er sleggjan á dagskrá kl 14:00

Auglýst hefur verið starf umsjónarmanns félagsmiðstöðvarinnar í Ólafsfirði frá og með 1. september nk. sjá nánar hér http://www.fjallabyggd.is/is/news/felagsmidstoin_tunglid_olafsfirdi_-_atvinna/

Ef þið eruð með lausar stöður til umsóknar sendið þá endilega línu og auglýsingin kemur hér inn, gislirunar4@gmail.com

Er 625 síða sem þú munt nota

já (bý í Ólafsfirði)

54,63%

nei (bý í Ólafsfirði)

1,85%

já (bý ekki í Ólafsfirði)

37,96%

nei (bý ekki í Ólafsfirði)

5,56%

108 hafa kosið

Það eru komnar fullt af myndum (og í raun allt of margar) í myndaalbúmið. Þær verða þarna í einhvern tíma og svo verður eitthvað af þeim tekið út (þær taka svo mikið pláss). En ef þið vilið fá þessar myndir þá sendið mér bara línu á gislirunar4@gmail.com

Nú eru fyrstu myndirnar komnar inn frá Nikulásarmótinu í knattspyrnu sem fram fer um helgina. Fleiri munu fylgja í kjölfarið í dag og á morgun. Myndirnar sem er komnar inn eru frá leik 7. flokks KS/Leifturs í gær ásamt nokkrum almennum myndum frá mótinu.

Foreldrar og aðrir, ef ykkur langar í myndirnar þá er bara að senda mér línu á gislirunar4@gmail.com , takið bara fram í hvaða myndaalbúmi myndin/myndirnar eru og númer hvað og ég sendi ykkur þær.


Eins og sjá má þá voru nokkrir búnir að tjalda í gær (og enn meira búið að bætast við í dag)