Í gær var unnið við að styepa undirstöður undir sumarhús Guðmundar Sigurðssonar, sem verið er að hefja byggingu á í Hólkotslandinu.

Það er Haukur Sigurðsson, bróðir eigandans sem er verktaki og á myndunum má sjá hann og starfsmenn og tæki BM Vallár.

Náði þessari mynd af Friðrik (Eggerts og Hafdísar) við að brjóta upp tröppurnar á bæjarskrifstofunni (var hvort sem er ekki vinnufriður inni fyrir hávaða). Enda voru tröppurnar vel slitnar og bara tímaspursmál hvenær einhver myndi meiða sig í þeim.

Þið takið kannski eftir því að ég skrifa nöfn innan sviga eftir sumum nöfnum. Þetta ætla ég að gera þegar um ungt fólk er að ræða. Sumir þekkja ekki strákinn en þekkja væntanlega foreldra hans.

Ég fékk fyrstu aðsendu fréttina í morgun. Það var hann K. Haraldur Gunnlaugsson sem sendi mér myndir og smá texta, takk fyrir það Halli. Myndirnar eru í myndaalbúminu

Laugardaginn 20. júní s.l. rættist langþráður draumur sumra um að koma flotbryggju við Hólkotseyrina.  Myndirnar sem fylgja eru teknar þegar unnið var að því og bryggjan prufuð.  Það var "Runnabóndinn" sem stóð að þessum framkvæmdum með stuðningi "Kotsbóndans" og fleirum.

Bikarmót í mótorkross á vegum Mótorhjóla & snjósleðaíþróttasamband Íslands verður laugardaginn 27. júní nk. í ný endurbættri og lengdri braut Ólafsfirðinga.

Keppt verður í sex flokkum þar á meðal kvennaflokki. Tímataka hefst kl. 9:30. Keppnin byrjar svo kl. 11:30 með keppni í kvennaflokki. Reiknað er með að mótinu ljúki um kl. 15:00. Hægt er að skoða dagskránna hér. http://www.fjallabyggd.is/skrar/.pdf/mx-bikarmot_2009.pdf

Ég rakst á Magga Þorgeirs í morgun. Hann var að klára frágang við knattspyrnuvöllinn. Búið er að grafa upp gamla stígin og skipta um efni í honum. Með góðum frágangi ætti að vera hægt að nýta þessa leið mun meira. Þetta auðveldar t.d. íbúum á hornbrekku leiðina niður í bæ til muna. Þ.e. þeir geta losnað við að labba brekkuna upp að hornbrekku, þar sem nú núna er búið að taka brekkuna sem var hornbrekkumegin og gera hana meira aflíðandi.
 

Blúshátíðin verður haldin í 10. skiptið um næstu helgi (26. og 27. júní). Dagskráin er stórglæsisleg að vanda. Bylgjan sendir út frá Ólafsfirði um helgina, þ.e föstudag og laugardag. Hvet því alla til að stilla á Bylgjuna strax á föstudagsmorgni.
Fastir liðir verða á sínum stað, tónleikar í kirkjunni, tvennir tónleikar í Tjarnarborg + ball á laugardaginn. Svo er útimarkaðurinn á sínum stað.
Dagskrá hátíðarinnar má finna á http://blues.fjallabyggd.is

KK á síðustu blúshátíð.

yngsta kynslóðin var á leikjanámskeiði í dag. Það er íþróttafélagið Leiftur sem stendur fyrir leikjanámskeiðinu með þá bræður Ingimar og Kristófer í fararbroddi. Ég skellti nokkrum myndum í myndaalbúmið. Krakkarnir fóru í ratleik, langstökk og grettukeppni svo eitthvað sé nefnt.