Fyrirhugað er að fara  af stað með Íþróttaskóla fyrir börn fædd 2002-1998. Það verður mikið að gera hjá krökkunum og frábær dagskrá fyrir alla. Íþróttaskólinn stendur yfir frá 26. júlí - 6.ágúst og kostar tímabilið 5000.kr Innifalið í verði: Bolir merktir Íþróttaskólanum, Viðurkenningarskjal, grillveisla, frábær dagskrá og góður félagsskapur. Skólinn stendur yfir frá 9-11 á morgnana og hittast alltaf allir við Ú.Í.Ó húsi, þó með nokkrum undantekningum. Skráning er hafin í síma 822-3578 og 857-5291 eða tölvupóstinum leiftur@simnet.is. Leikskóla börn verða sótt ef Þess er óskað og skilað til baka að loknu námskeiði.
Fótbolta æfingar hjá 7.flokki verða klukkan 11:00 - 12:00 þessa daga sem um ræðir.

Drög að dagskrá með fyrirvara um breytingar

Eldri: Árgangar 1998 og 2001
yngri: Árgangar 2002 - 2006
=======================================
Mánudagurinn 26.Júlí (09.00-11.00)
Yngri: Hjólað í Fjöruna og Leikir
Eldri: Fjallganga og leikir
=======================================
Þriðjudagurinn 27.Júlí (09.00-11.00)
Yngir:Leikir, Golf,Knattspyrna

Þriðjudagurinn 27.Júlí(20.00-Morguns)
Eldri:Útilega (Tjaldað og gist)
=======================================
Miðvikudagurinn 28.Júlí (09.00-11.00)
Yngri: Veiðiferð, Taka með sér háfa
Eldri: Veiðiferð, taka með veiðistöng!
=======================================
Fimmtudagurinn 29.Júlí (09.00-11.00)
Yngri: Fjallganga
Eldri: Golf og Leikir
=======================================
Þriðjudagurinn 3.Ágúst (09.00-11.00)
Allir:Ratleikur/Óvissuferð
=======================================
Miðvikudagur 4.Ágúst (09.00-11.00)
Allir: Heimsókn í sveitina!
=======================================
Fimmtudagurinn 5. Ágúst (09.00-11.00)
Allir: Blautur dagur
-Vatnsrennibraut
-Sápuhokkí
-Slökkviliðið kíkir við
=======================================
Föstudagurinn 6.Ágúst (09.00-11.00)
Allir:Frjálsar Íþróttir, Grill og Slútt

Sjáumst hress í Íþróttaskólanum, Matti,Ingimar,Kristófer og Kristín

KS/Leiftur - Höttur

Ólafsfjarðarvöllur

Miðvikudagur 14. júlí.

kl: 20:00

Miðaverð kr. 1000

Ársmiðahafar munið eftir árskortunum

Að meðaltali voru skoruð um 2 mörk í leik á HM hjá KS/Leiftri hafa verið skoruð rúmlega 4 mörk að meðaltali í sumar. J

Allir á völlinn

Áfram KS/Leiftur

Eftirfarandi lýsing á leik KS/leifturs við Hvöt á Sigufjarðarvelli barst 625.is:
---
Sex mörk litu dagsins ljós, nokkur gul spjöld, þrjú víti, mikil barátta og mikil spenna.

KS/Leiftur komust yfir á 8. mínútu með sannkölluðu glæsi-marki, Milan fékk þá boltann fyrir utan teig og setti hann með hnitmiðuðu skoti í mark andstæðinganna, óverjandi fyrir markmann Hvatar. Mínútu síðar sleppur framherji Hvatar í gegnum vörn heimamanna og Nezir markmaður brýtur á honum og víti dæmt.  Jón Kári skoraði af öryggi úr vítinu.  Á tuttugustu mínútu sleppur Jón Kári í gegnum vörnina og Nezir ver vel frá honum, boltinn virtist vera í höndum Nezirs, en hann nær ekki að halda honum og Jón Kári potar boltanum yfir línuna. Hörður Már sleppur í gegnum vörn  Hvatar og stendur af sér tæklingu inní teig en markmaður Hvatar ver frá honum. Staðan í hálfleik 1-2 fyrir Hvöt.

KS/Leiftur byrjuðu seinni hálfleikinn af miklum krafti og pressuðu lið Hvatar. Á 51. mínútu sleppur Hörður Már í gegn og hann er felldur af markmanni Hvatar. Dómari leiksins dæmir umsvifalaust víti, en á einhvern óskiljanlegan hátt gefur hann markmanninum ekki rautt spjald. Þarna var dómarinn ekki að fara eftir knattpyrnulögunum... Milan skoraði af öryggi  sitt annað mark úr vítinu. Nú stefndi í spennandi leik, Raggi Hauks og Halldór Logi komu inná á 55. mínútu og KS/Leiftur hélt áfram að pressa. En eins og köld vatnsgusa dæmir dómarinn víti á KS/Leiftur. Einn varnarmanna KS/Leifturs er að taka á móti bolta á vítateigsjaðrinum undir engri pressu og boltinn hrekkur í hönd hans, mjög ódýrt víti og aftur er dómari leiksins að sleppa því að fara eftir knattspyrnulögunum. Jón Kári fullkomnaði þrennu sína með öruggu víti.

KS/Leiftur hélt áfram að pressa og á 71. mínútu skorar Raggi Hauks gott mark eftir vel útfærða sókn heimamanna. Næstu mínútur á eftir fengu KS/Leiftur góð tækifæri til að klára leikinn. Kristján varnarmaður á skalla sem markmaður Hvatar ver glæsilega í horn, Raggi á skalla úr ákjósanlegu færi sem rétt fer yfir markið. Inn vildi boltinn ekki.

Hvatarmenn áttu svo síðustu mínúturnar og var mark dæmt af þeim á lokasekúndunum eftir að brotið hefði verið á Nezir inní markteig.

Frábær skemmtun fyrir áhorfendur og líklega sanngjörn úrslit, því hvorugt liðið átti skilið að tapa þessum leik. Dómari leiksins átti ekki sinn besta dag, en gerði sitt besta, hann þyrfti að skoða knattspyrnulögin betur og fara eftir þeim, eins og ætlast er til.

KS/Leiftur eru nú með 14 stig í 5.-6. sæti deildarinnar. Næstu leikur liðsins er í Hveragerði n.k. föstudag.

Byrjunarlið KS/Leiftur

Nezir

Heiðar-Arnar-Kiddi-Eiríkur

Milan- Aggi-Steini-Ingimar-Höddi

Bjössi.

Ónotaðir varamenn: Dóri - Gabríel - Kristófer

Áfram KS/Leiftur

Eftirfarandi barst frá Hestamannafélaginu Gnýfara:
---
Vegna erfiða aðstæðna á félagsvæði Gnýfara verður fyrirhugað reiðnáskeið flutt frá Ólafsfirði til Dalvíkur.

Námskeiðið verður 21-28 júní í Hringsholti

Reiðnámskeiðið er fyrir börn og unglinga. Leiðbeinandi er Sveinbjörn Hjörleifsson. Verð kr. 12.900. Systkinaafsláttur. Skráning og nánari upplýsingar fást í síma 466-1679 eða
í farsímum 861-9631 og 616-9629. síðasta lagi laugardagskvöld 19 júní.

Þeir aðilar sem vilja koma með sína hesta geta fengið pláss fyrir þá á Dalvík.

Stjórn Gnýfara

Æskulýðsnefnd

Þrjú ný myndaalbúm voru að birtast á síðunni.

Vinnuskólakrakkarnir eru byrjuð og setur það alltaf svip á bæinn þegar þau hefja störf. Myndir frá þeirra störfum í dag.

Slökkviliðsmenn voru að undirbúa 17. júní hátíðarhöldin í gærkveldi og byrjuðu að setja upp vatnsrennibrautina. Myndir komnar inn frá því.

Skotfélag Ólafsfjarðar hefur unnið hörðum höndum undanfarið við að græja nýjan völl upp á skotsvæði. Myndir frá því í gærkveldi þegar þeir voru að prófa völlinn. En hann verður opnaður formlega 17. júní kl. 11.00. Bæjarbúar eru hvattir til að mæta og prufa völlinn, að sjálfsögðu frítt.

Allar myndir er að finna í myndaalbúminu.


Kakkarnir voru ekki lengi að stilla sér upp í myndatöku

KS/Leiftur heimsótti besta lið Íslands heim í kvöld.  fyrirfram búist við markaleik þar sem Keflvíkingar myndu láta finna fyrir sér.

Strax í upphafi leiks byrjaðu Keflvíkingar að sækja og góð sókn þeirra endaði á skoti frá Ómari Karli en fast skot hans fór yfir markið. Keflvíkingar sóttu mikið mun meira og voru skiljanlega mun meira með boltann. Á 10. mínútu átti Andri Steinn gott skot á markið eftir laglegan undirbúning frá Guðmundi Steinarssyni en Andri Steinn átti mjög góðan leik hjá Keflvíkingum í kvöld.

Skömmu síðar átti Guðmundur Steinarsson magnaða fyrirgjöf eftir gott upphlaup á Harald Frey sem var í upplögðu martækifæri en skalli hans rataði ekki á markið. Á 20. mínútu vann Andri Steinn boltann á miðjunni, hljóp sjálfur upp völlinn og átti skot að marki sem Nezir Ohran í marki KS/Leifturs átti í erfiðleikum með og missti boltann en sem betur fer fyrir hann þá rúllaði boltinn í stöngina og framhjá.
Fyrsta sókn KS/Leifturs manna kom svo eftir rétt tæpan hálftíma leik þegar Eiríkur Magnússon átti sendingu á Þórð Birgisson sem tók hann viðstöðulaust á lofti en skot hans fór framhjá.
Magnús Þórir átti svo gott upphlaup skömmu síðar og sendi fyrir á Guðmund Steinarsson en skalli hans var slakur og átti Ohran í markinu ekki í teljandi erfiðleikum með að verja.

Á 41. mínútu átti Guðmundur annan skalla, nú eftir sendingu frá Herði Sveinssyni en KS/Leifturs menn náðu að bjarga á línu.

KS/Leifturs mönnum var því létt þegar blásið var til loka fyrri hálfleiks þar sem staðan var enn markalaus 0-0..

En það var ekki langt liðið á seinni hálfleik þegar Hólmar Örn átti laglegan sprett upp miðjuna og þrumaði að marki en boltinn skall í stönginni.

KS/Leifturs menn fengu svo aukaspyrnu á 54. mínútu sem gamla kempan Hörður Már Magnússon tók. Góð aukaspyrna hans var þó varin af Árna í markinu.

En á 63. mínútu náðu Keflvíkingar loksins að brjóta ísinn. Guðjón Árni hljóp upp hægri kantinn og sendi boltann fyrir, Nezir Ohran misreiknaði fyrirgjöfina sem endaði á fjærstöng þar sem Magnús Þórir Matthíasson beið átekta og skoraði af öryggi.

Keflvíkingar hættu ekki að sækja þrátt fyrir að vera komnir marki yfir og skömmu eftir markið kom önnur fyrirgjöf frá Guðjóni Árna sem rataði á Magnús Þórir sem gerði vel í að leggja boltann fyrir lappirnar á Hólmari Erni Rúnarssyni sem á óskiljanlegan hátt sendi boltann yfir.

Magnús Þórir sendi svo fyrir á Hörð Sveinsson á 73. mínútu en laflaust skot hans var varið af Nezir Ohran.

Undir lokin settu KS/Leiftur pressu á Keflavíkurliðið og uppskára tvö góð færi. Það fyrra var á 86. mínútu þegar Þorsteinn Þorvaldsson átti skot að marki en Árni Freyr átti ekki í teljanlegum erfiðleikum með það. Það síðara var þó mun hættulegra en eftir mikinn darraðadans í vítateig Keflavíkur lyfti Þórður Birgisson sér upp og tók hjólhestaspyrnu og aðeins snilldar markvarsla Árna Freys kom í veg fyrir að KS/Leiftur næðu að knýja fram framlengingu.

En leiknum lauk með enn einum eins marks sigri Keflavíkur og þeir því komnir áfram í 16 liða úrslitin. KS/Leiftur áttu þó góðan leik og þá sérstaklega Nezir Ohran markmaður þeirra.

Mótið fór fram í Emmen í Hollandi um síðastliðna helgi og var árangur Baldurs eftirfarandi:

• Vann til gullverðlauna í kúluvarpi, kastaði 10,32 m.
• Vann til bronsverðlauna í spjótkasti, kastaði spjótinu 28,76 m
• Baldur náði ekki á verðlaunapall í langstökki, hann gerði 5 ógild stökk af 6 en það sem taldi var 4,75m. en Íslandsmet Baldurs í greininni í flokki T37 er 5,42m. og þá lengd fór hann síðast í Fuglshreiðrinu á Ólympíumóti fatlaðra í Peking árið 2008.

Baldur er einn fremsti íþróttamaðurinn sem við Ólafsfirðingar eigum í dag og hefur hann og mun halda áfram að keppa út um allan heim. Við munum halda áfram að fylgjast með árangri Baldurs Ævars í sumar.

625.is mætti í heimsókn hjá honum í dag og smellti af nokkrum myndum af honum og verðlaunagripum hans. Myndir í myndaalbúmi.

Á laugardaginn áttust við KS/Leiftur og Víkingur Ólafsvík í 2. deild karla. Leikurinn var háður á Ólafsfjarðarvelli sem kemur mjög vel undan vetri. Smá norðan gola var er leikurinn hófst en annars voru aðstæður allar eins og þær best gerast til knattspyrnu iðkunar.

Vikingsmenn mættu grimmari til leiks og stjórnuðu leiknum fyrstu mínúturnar en án þess þó að skapa sér nein dauðafæri. M.a. fengu þeir 3 horn spyrnur á fyrstu 10 mínútunum en náðu ekki að gera sér mat úr því.  KS/Leiftur áttu einnig nokkur hálffæri einkum eftir eina hornspyrnu þegar skot Agnars Sveinssonar hafnaði í varnarmanni.

Það var svo á 23 mínútu sem gestirnir komust yfir, Vikingur fékk innkast  á miðjum vallarhelmingi KS/Leifturs og fengu nægjan tíma til þess að athafna sig og gefa fyrir, sem endaði með mjögóðri fyrirgjöf frá Artjom leikmanni Vikinga af vinstri kanti, Aleks náði að smeigja sér á milli miðvarða KS/Leifturs og stangaði knöttinn í markið, glæsilegt mark hjá Aleks.

Vikingar héldu áfram að pressa nokkuð á KS/Leiftur og áður nefndur Aleks fékk fínt færi en Örlygur Þór Helgason varnarmaður KS/Leifturs gerði vel með að komast í veg fyrir skotið og varnaði því að Víkingar næðu ekki að auka foristuna.

Undir lok fyrri hálfleiks sóttu KS/Leifturs menn í sig veðrið vel studdir að áhorfendum á Ólafsfjarðarvelli, sem létu mjög vel í sér heyra í leiknum.  En þrátt fyrir pressuna náðu þeir ekki að jafnametin og staðan því 0-1 í hálfleik Víking í vil.

Stuðningsmenn KS/Leifturs hafa væntanlega vonast eftir því að liðið kæmi betur stefnt í seinni hálfleikinn á myndi ná að nýta sér að spila með goluna í bakið. En Vikingar náðu að auka foristuna eftir að Þorsteinn Már Ragnarsson náði að prjóna sig í gegnum vörn KS/Leifturs og renna boltanum fram hjá Nezir í mark KS/Leifturs, vel gert hjá Þorsteini en að samaskapi hefðu heimamenn átt að geta gert mun betur í að koma boltanum í burtu.

Vikingar voru þarna komnir í nokkuð þægilega stöðu og virtust líklegir til að landa stigunum 3 nokkuð auðveldlega. 

Hörður Már kom inná í lið KS/Leifturs og hann var ekki lengi að láta til sín taka því nokkrum mínútum síðar nær hann að leika auðveldlega á  varnarmann Vikinga og senda boltan fyrir sem hafnaði í hendi Bega varnar manns Vikings og vítaspyrna dæmd. Ragnar Hauksson skorðaði svo nokkuð auðveldlega úr spyrnunni og KS/Leiftur komið inn í leikinn.  Adam var ekki lengi í paradís fyrir heimamenn því einungis 4 mínútum síðar fengu Vikingur nokkuð ódýrt víti þegar boltinn virtist fara í hönd Sigurbjörns Hafþórssonar sem var liggjandi eftir klafs við sóknarmenn Víkinga. Markmaður KS/Leifturs varði vítaspyrnu Brynjars Kristmundssonar vel og staðn því ennþá 1-2.  Vikingsmenn náðu þó að bæta fyrir vítaspyrnuna á 80 mínútu þegar Þorsteinn Már Ragnarsson slapp einn í gegnum vörn KS/Leifturs og chippaði yfir markmann heimamanna. Vörn KS/Leifturs var heldur illa á verði þarna.

Fleira markvert gerðist ekki í leiknum og Vikingar lönduðu nokkuð sanngjörnum sigri á Ólafsfjarðarvelli.