Hið árlega Þorrablót Karlakórs Siglufjarðar verður haldið laugardaginn 19. febrúar 2011 í íþróttamiðstöð Fjallabyggðar á Siglufirði.

Nánari upplýsingar á www.kks.is

Í morgun vísaði Héraðsdómur Reykjavíkur frá máli Ramma hf. gegn íslenska ríkinu.

Málið varðar kröfu Ramma hf. um að viðurkennt verði með dómi að Jóni Bjarnasyni sjávarútvegs- og landbúnaðarráðherra, hafi verið óheimilt að ákveða ekki þann heildarafla sem veiða má af úthafsrækju á fiskveiðiárinu 2010/2011 með reglugerð.

Rammi hf. hefur ákveðið að kæra frávísunina til Hæstaréttar.

Frjálsíþróttaæfingar hefjast þriðjudaginn 18. jan 2011
Æfingar verða í Íþróttahúsinu á þriðjudögum kl 16:30 - 18:00

Þjálfari eru Ari Jósavinsson

Nýir iðkendur hvattir til að koma og prófa.

Sjáumst sem flest.

Uppl í síma: 866 2533 (Rut Páls)

Nokkrir aukvinningar voru í boði í lukkuleiknum. Hér eru aukatölurnar:
1. 847
2. 702
3. 627
4. 506
5. 810
6. 429

Síðustu landanir á þessu ári hafa verið í gangi undanfarna daga. Mánaberg kom með 176 tonn af afla til Siglufjarðar fyrir jól og úr Sigurbjörgu var landað þar 153 tonnum í tveim löndunum í desember. Bæði skipin veiddu mest af þorski í síðustu veiðiferðum ársins.

Auk þess kom rækjutogarinn Brettingur frá Flæmingjagrunni með 70 tonn af frosinni rækju til Siglufjarðar fyrir jólin og verður hún unnin í rækjuverksmiðjunni í byrjun nýs árs.

Afli og aflaverðmæti skipa Rammans á árinu sem er að líða var sem hér segir:

Eftirfarandi barst 625.is:
---
Þeir sem hafa áhuga á að taka þátt gerð auglýsingar í janúar geta mætt í áheyrnarprufur í Grunnskóla Fjallabyggðar Hlíðarvegi (Siglufirði) 29. desember nk. kl 10-17.

Leitað er eftir fólki á aldrinum 10 til 12 ára  og 17 til 20 ára.

Eins er verið að leita eftir fólki á miðjum aldri til að leika foreldra og t.d kennara.

Um er að ræða bæði stór og lítil hlutverk og svo hlýtur að vera gaman að kynnast því hvernig svona auglýsing verður til. Væri ekki gaman að sjá sig í auglýsingu í sjónvarpinu

Tökur fara svo fram 20. til 23. janúar 2011.

Hægt er að mæta beint í áheyrnarprufu eins getið þið haft samband við undirritaðan sem hefur tekið að sér að vera tengiliður leikstjórans hér í Fjallabyggð.

Sigmundur Sigmundsson
gsm: 847-2223

Skíðasamband Íslands hefur valið þá keppendur sem eiga að keppa fyrir Íslands hönd á Topolino leikunum sem eru haldnir á Ítalíu. Meðal Keppenda er Alexía María Gestsdóttir (Gests og Steinu).

Aðrir keppendur á Topolino 2011 eru 

Sem kunnugt er hóf skólinn starfsemi nú í haust og er þar af leiðandi yngsti framhaldsskóli landsins. Skólinn starfar í Ólafsfirði og þrátt fyrir að hafa aðeins verið starfræktur í skamman tíma útskrifaði hann nú fyrir jólin fyrsta stúdentinn.

Sparisjóðirnir tveir tóku höndum saman um listaverkagjöfina til skólans sem er að andvirði 500 þúsund króna. Ákveðið var að leita til listamanna í Fjallabyggð og fyrir valinu urðu tvö málverk eftir listamennina Bergþór Morthens og Guðrúnu Þórisdóttur (Garún). Þess má geta að Bergþór Morthens er bæjarlistamaður Fjallabyggðar 2010.

Meðfylgjandi mynd er frá afhendingu listaverkanna tveggja en þau afhenti Helgi Jóhannsson, sparisjóðsstjóri Sparisjóðs Ólafsfjarðar. Lára Stefánsdóttir, skólameistari Menntaskólans á Tröllaskaga, veitti verkunum viðtöku fyrir hönd skólans og heldur hún hér á verki Guðrúnar Þórisdóttur en Helgi stendur við mynd Bergþórs Morthens.

(Fréttin og myndin er af heimasíðu Sparisjóðs Ólafsfjarðar)

Eftirfarandi barst frá Knattspyrnufélagi Fjallabyggðar:
---
Meistaraflokkur karla spilaði æfingaleik við Þór sunnudaginn 19. desember  Bæði lið voru með flesta af sínum sterkustu  leikmönnum. Leikurinn fór rólega af stað og liðin skiptust á um að sækja. KF fékk þokkalegt færi  eftir 15 mínútur sem fór forgörðum. Í næstu sókn komst einn leikmaður Þórs innfyrir vörn KF eftir varnarmistök og Arnar Geir braut af sér og var vísað af leikvelli.  Þórsarar voru sterkari aðilinn það sem eftir lifði hálfleiks og uppskáru mark, staðan því 1-0 í hálfleik. Þar sem þetta var æfingaleikur, þá fengu KF að byrja seinni hálfleikinn með ellefu leikmenn að nýju.

Síðari hálfleikur var jafn  þó svo að Þór hafi verið meira með boltann. Þór skoraði annað mark í miðjum seinni hálfleiknum og var það af ódýrari gerðinni, laust skot sem Nezir atti að verja,  endaði í markinu.  Leikurinn endaði 2-0 fyrir Þór. Fínn leikur hjá strákunum og á köflum í leiknum var ekki hægt að sjá hvort liðið væri að fara að spila í úrvalsdeildinni í vor.

KF leikmenn máttu alveg vera rólegri þegar þeir voru með boltann,  það vantar uppá formið hjá okkar mönnum, en baráttan var til fyrirmyndar. Fínn leikur miðað við að nú er desember. Liðið spilar sinn fyrsta leik í móti um miðjan janúar.

Byrjunarlið KF

Dóri-Halldór-Kiddi-Arnar-Kristófer-Ingimar-Andri-Gabríel-Doddi-Raggi-Bjössi

Varamenn sem komu inná: Nezir-Aggi-Hilmar-Biggi Sæm

Ónotaðir varamenn: Heiðar-Óðinn-Sævar-Óli

Nýtt logo Knattspyrnufélags Fjallabyggðar