Kynningarfundur unglingadeilda Björgunarsveitanna

Fimmtudaginn 1. september fara fram kynningarfundir hjá björgunarsveitunum í Fjallabyggð á unglingastarfi þeirra. Tvær björgunarsveitir eru í Fjallabyggð, Tindur í Ólafsfirði og Strákar á Siglufirði. Unglingadeildin í Ólafsfirði heitir "Djarfur" og unglingadeildin á Siglufirði heitir "Smástrákar".

Kynningarfundirnir eru í húsakynnum björgunarsveitanna kl. 20:00 á fimmtudaginn fyrir nemendur í 9. og 10. bekk.  Þó svo að um sé að ræða tvær björgunarsveitir stefna umsjónarmenn unglingadeildana á samvinnu í vetur.

Umsjónarmenn fengu að kynna starfsemina í Grunnskólanum í morgun.