Byrjað er á gerð hjólabrauta í Ólafsfirði, áhugasamir hjólagarpar höfðu frumkvæði að því að fá leyfi fyrir gerð hjólabrautar á svo kölluðu "Frímerki" í Ólafsfirði. Eftir grenndarkynningu þar sem engar athugasemdir voru gerðar við framkvæmdina var ákveðið að hefjast handa, hólar verða gerðir úr timburkurli sem til fellur úr því timbri sem kemur á gámsvæðið og ekki verður nýtt í moltugerð. Verkefnið er samvinnuverkefni hjólakappa frá báðum stöðum, ákveðið var að byrja á þessari braut og stefna svo á uppbyggingu á Siglufirði, þar er líka horft til skíðasvæðisins um að byggja þar upp s.k. Downhill brautir. Það eru brautir sem gjarnan eru byggðar á skíðasvæðum og eru nokkurskonar brunbrautir fyrir hjól. Sambærilegar brautir eru í Hlíðarfjalli og í Skálafelli. Myndir komnar í myndaalbúmið.

Texti aðsendur

Við sögðum frá því hér á síðunni að slökkvilið Fjallabyggðar hafi fengið að æfa reykköfun í húsi við Strandgötu, þar það ætti að fara að rífa húsið. Nú er búið að rífa húsið. Myndir komnar í myndaalbúmið frá niðurrifinu, þ.e. frá byrjun þess og þegar ljósmyndari kom aftur daginn eftir, var húsið farið og lítil ummerki um að þarna hafi nokkurntíma verið hús.

Síðustu daga hefur verið unnið að því að koma rennibrautinni fyrir við sundlaugina í Ólafsfirði. Myndir frá því í dag komnar í myndaalbúmið.

Rennibrautin stóra (gula) og svo litla rennibrautin til hægri, "snákur" fyrir yngri börnin.

Síðustu daga hefur verið unnið að því að lagafæra aðgangi við bókasafnið. Stéttin sem kemur verður upphituð sem og tröppurnar.