Veiðigjald, sem lagt er á útgerðir landsins, hefur fimmfaldast á undanförnum árum, úr 649 milljónum króna fiskveiðiárið 2005-2006 í rúmlega 3 milljarða króna fiskveiðiárið 2010-2011. Áætlað er að tekjur ríkissjóðs af veiðigjaldi á yfirstandandi fiskveiðiári hækki um 50% frá því síðasta og verði um 4,5 milljarðar króna. Þetta kemur fram í svari sjávarútvegsráðherra við fyrirspurn Einars Kristins Guðfinnsonar á Alþingi 

Veiðigjald á þessu fiskveiðiári hefur verið ákveðið 13,3% af framlegð útgerða. Miðað við óbreyttar forsendur um afla, framlegð og þorskígildisstuðla sem notaðar eru við útreikning á áætluðu veiðigjaldi á þessu fiskveiðiári og boðaða hækkun veiðigjaldsins upp í 27% af framlegð fyrirtækjanna má áætla að veiðigjaldið fiskveiðiárið 2012-2013 verði ríflega 9 milljarðar króna.

"Þessi stórfellda gjaldtaka af útgerðunum, sem allt bendir til að muni hækka fjórtánfalt á aðeins sjö árum, kemur fyrst og fremst til með að veikja landsbyggðina, þar sem langflestar útgerðirnar eru," segir Einar Valur Kristjánsson, framkvæmdastjóri Hraðfrystihússins-Gunnvarar hf. í Hnífsdal.

"Um 90% allra aflaheimilda eru á landsbyggðinni, þar sem sjávarútvegurinn er víða kjölfestan í atvinnulífinu. Ég veit ekki alveg hvernig þetta rímar við áform stjórnvalda um að efla byggð í landinu en þingmenn stjórnarflokkanna geta vafalítið útskýrt þetta fyrir kjósendum," segir Einar.

N4 hafa verið sérstaklega duglegir undanfarið að fjalla um málefni Fjallabyggðar á síðustu mánuðum, eru þar a.m.k. þrír þættir frá Ólafsfirði. Þessi þættir eru:

Hótel Brimnes Ólafsfirði

Golfklúbbur Ólafsfjarðar

Menntaskólinn á Tröllaskaga

Annars hvetjum við fólk að fylgjast með áhugaverðum þáttum á N4, enda eiga þeir mikinn heiður skilinn fyrir frábært starf í að miðla efni um norðurland.

Laugardaginn 14. maí kl. 14:00 - 16:00 verður sýning á verkum nemenda Menntaskólans á Tröllaskaga.

Nemendur verða með ferðakynningu þar sem þau kynna ferðahugmyndir á Tröllaskaga og hægt verður að ræða við þau um viðfangsefnið. Einnig verður sýning nemenda í fagurlistum og listljósmyndum á portrettmyndum og verk sem hafa verið unnin í úrgangslist.

Bestu kveðjur frá Húsavík,
Oddvar Haukur

Á heimasíðu Ramma hf. er sagt frá því að síðustu mánuðina hafa þorskur og karfi verið unnir í fiskvinnslu Rammans í Þorlákshöfn. Karfinn er flakaður og fluttur út ferskur eða frystur en þorskurinn er flakaður, léttsaltaður og frystur fyrir Suður-Evrópumarkað. Humarveiðar- og vinnsla hefjast svo að venju í aprílmánuði.

Fersk karfaflök, myndin og fréttin er af heimasíðu Ramma hf.

Rammi tók þátt í sýningu með sem haldin var í Newcastle fyrir "chips and fish" veitingastaði í Norður-Englandi, Skotlandi og Norður-Írlandi sl. sunnudag. Mikill fjöldi gesta sótti sýninguna sem tókst vel en á henni var sýnt allt sem þarf til reksturs "fish and chips" staðanna, jafnt hráefni sem tæki og tól.

Nær allur sjófrystur fiskur sem Rammi selur er framleiddur undir vörumerki fyrirtækisins og er regluleg þáttaka á sýningum í Bretlandi liður í að kynna merkið þar.

Í dag er verið að landa úr Sigurbjörgu ÓF 1 á Siglufirði fiski sem veiddur var í Barentshafinu (norsku lögsögunni). Afli í 22 daga veiðiferð var 534 tonn, langmest þorskur ásamt lítilsháttar af ýsu.

Mynd og frétt af vef Ramma hf

Viðkomandi þarf að hafa starfsréttindi sem þroskaþjálfi, hafa reynslu af sambærilegu starfi og góða þekkingu á helstu tölvu- og upplýsingakerfum félagsþjónustunnar.

Umsóknareyðublöð fást á bæjarskrifstofum Fjallabyggðar eða á heimasíðu Fjallabyggðar, http://www.fjallabyggd.is/

Með umsókn skal fylgja upplýsingar um menntun og fyrri störf ásamt sakavottorði.

Umsóknarfrestur er til 11. febrúar n.k. og skal skila á bæjarskrifstofur Fjallabyggðar Gránugötu 24, 580 Siglufirði eða Ólafsvegi 4, 625 Ólafsfirði, einnig á netfangið hh@fjallabyggd.is

Í dag er verið að landa úr Mánabergi ÓF 42 í Ólafsfirði. Heildarveiði í 27 daga veiðiferð var 390 tonn, mestur hluti aflans er þorskur og ýsa.

Landað úr Mánanum: mynd og frétt af vef Ramma hf.

Fjallabyggð auglýsir eftir afleysingarfólki við Félagsmiðstöðina Neon, félagsmiðstöð unglinga í Fjallabyggð. Möguleiki á framtíðarstarfi.

Sjá nánar á heimasíðu Fjallabyggðar

Frá spurningakeppni Neons í vetur.