Ísmót Gnýfara 2012

25.06.2010 22:24

Fuglaskoðunarhús

Jólahúsin koma að fleiri notum en bara við jólamarkað. Nú er búið að staðsetja eitt þeirra við Þóroddstaðatjörn. Nú nýtist húsið sem fuglaskoðunarhús og er húsið öllum opið og aðgengilegt.
Á heimasíðu Arcticaves er að finna fréttir og myndir af fuglum og fuglatengdu efni. T.d. náði Gísli Kristinsson mynd af svölu sem gerði sér lítið fyrir og settist á þakið á fuglahúsinu.

Fuglahúsið við Þóroddsstaðartjörn, mitt á milli tjarnar og vegs, appelsínugult að lit.

Skrifað af Gísli Rúnar

28.04.2010 20:50

Vor í lofti

Það má með sanni segja að vorið sé á leiðinni. krakkarnir farnir að leika sér á Tjörninni og endurnar okkar byrjaðar að stoppa umferð. Myndirnar voru teknar í morgun þegar endurnar voru búnar að koma sér vel fyrir á aðalgötunni og seinni partinn þegar nokkrir krakkar voru á bátum á Tjörninni.
Fleiri myndir af Tjarnarbuslinu er að finna í myndaalbúminu.
Gleðilegt sumar :-)

Skrifað af Gísli Rúnar

28.04.2010 19:41

Haförn í Ólafsfirði

Ungur haförn heiðraði Ólafsfirðinga með nærveru sinni skömmu fyrir hádegi í dag. Gísli Kristinsson, sem tók meðfylgjandi myndir, segir mjög sjaldgæft að hafernir sjáist í firðinum og hann hafi reyndar aðeins einu sinni heyrt um það.

Það var Svavar B. Magnússon sem sá fuglinn fyrstur. Þá kom hann fljúgandi inn yfir bæinn og settist síðan á flugvöllinn - rétt framan við vinnubúðirnar við munna Héðinsfjarðarganganna. Síðan flaug örninn fram eftir vatninu og settist á bakkann þar sem Ólafsfjarðará rennur í vatnið. Þar tók Gísli myndirnar, af um það bil 300 metra færi. "Hann var frekar styggur og flaug lengra fram sveitina þegar ég reyndi að komast nær honum," sagði Gísli í samtali við mbl í dag (textin fenginn úr frétt á mbl.is)

Myndirnar tók Gísli Kristins (Kidda og Lólóar)

Skrifað af Gísli Rúnar

15.04.2010 12:50

Fugl fyrir milljón

Gisti og/eða matargestir á Brimnes hóteli í Ólafsfirði ( www.brimnes.is ), geta skráð sig til þáttöku í ljósmyndasamkeppni um bestu fuglamyndina tekna á Tröllaskaganum, Hrísey eða Grímsey á tímabilinu 15. apríl til 31. ágúst 2010. Auk ýmissa veglegra verðlauna, verður besta myndin verðlaunuð með 1.000.000 króna í reiðufé.
Nánari upplýsingar er að finna á http://www.fuglfyrirmilljon.com

Skrifað af Gísli Rúnar

28.10.2009 11:11

Fréttir frá Fjallabyggð

Á heimasíðu Fjallabyggðar er sagt frá spjallborði sem búið er að koma upp um viðburði í Fjallabyggð. Þarna gefst bæjarbúum tækifæri á að spjalla saman og koma með athugasemdir sem tengjast þessum hátíðum.
Fréttin á Fjallabyggd.is

Einnig er sagt frá almennum fundum sem verða haldnir varðandi hundahald í Fjallabyggð. Siglufirði fimmtudaginn 29. október kl. 20.00 í Ráðhúsinu (2. Hæð)
Ólafsfirði miðvikudaginn 4. nóvember kl. 20.00 í Tjarnarborg.

Fundarefni:
Hundalaus svæði í sveitarfélaginu.
Aðrar almennar reglur um hundahald.
Frétttin fá Fjallabygg.is

Skrifað af Gísli Rúnar

19.09.2009 15:07

Réttir

625 kíkti í réttir nú rétt í þessu (við Kálfsá). Verið var að setja kindurnar á bíla og koma þeim í burtu. Myndir komnar í myndaalbúmið.

Skrifað af Gísli Rúnar