Eftirfarandi barst 625.is:
---
Munið  fermingarskeytasöluna

Ferming í Ólafsfjarðarkirkju

Sunnudaginn 15. maí klukkan 11:00

Fermd verða:

Davíð Fannar Sigurðsson, Ægisbyggð 6

Erla Vilhjálmsdóttir, Strandgötu 19

Gunnar Óli Ármannsson Bylgjubyggð 33

Gunnar Hubert Luchner, Ægisbyggð 4

Hákon Leó Hilmarsson, Hornbrekkuvegi 7

Sigurbjörg Áróra Ásgeirsdóttir, Hlíðarvegi 38

Snjólaug Anna Traustadóttir, Aðalgötu 28

Sveinn Andri Jóhannsson, Aðalgötu 26

Vinsamlegast pantið skeyti í

síma: 862 - 6225 eða 663-2277

Heilbrigðisstofnunin Fjallabyggð nýtur ágóða skeytanna

Nýja rennibrautin verður opnuð á morgun sunnudag, við sundlaugina í Ólafsfirði.
Frítt verður í sund í tilefni dagsins og opið verður frá 10-17.
Góða skemmtun.


Rennibrautin, myndin tekin fyrr í vetur.

Leiftur og KS samþykktu í gær á aðalfundum sínum að sameina félögin. Haldinn var stofnfundur sameinaðs félags KS og Leifturs í beinu framhaldi. Kosið var um nafn á félaginu og fyrir valinu varð KF - knattspyrnufélag Fjallabyggðar og munu sameinuðu félögin spila undir merkjum KF frá og með 1.janúar 2011.

Stjórn KF er skipuð eftirfarandi aðilum:

Ómar Hauksson
Dagný Finnsdóttir
Þorvaldur Sveinn Guðbjörnsson
Heiðar Gunnólfsson
Sigríður Ingimundardóttir
Hlynur Guðmundsson

Engin bauð sig fram til formanns í sameinuðu félagi og er stjórninni ætlað að finna sér formann á næstu dögum.

Búningar nýs félags verða bláir að lit og varabúningur m.fl. verða hvítir. Lög félagsins voru samþykkt á fundinum og taka þau gildi þegar ÍSÍ, UMFÍ og UÍF hafa lagt blessun sína á þau.

Veglegt kaffiboð bæjarstjórnar Fjallabyggðar og Vegagerðarinnar í tilefni af vígslu Héðinsfjarðarganga hefst í Íþróttahöllinni í Ólafsfirði kl. 16:00 á morgun laugardaginn 2. október.  
Þar verða m.a. flutt tónlistaratriði og allnokkur ávörp gesta.  Búist er við fjölda fólks í kaffiboðið. 
Ákveðið hefur verið að sýna barnaefni í Félagsheimilinu Tjarnarborg Ólafsfirði á sama tíma, þ.e. frá kl. 16:00 á morgun, á meðan borðhald stendur yfir í Íþróttahöllinni. Barnafólk getur því valið um að vera við borðhaldið og hlýða á það sem þar fer fram, eða horfa á barnaefni í Tjarnarborg með léttar veitingar við hæfi barna.

Ágætu íbúar Fjallabyggðar.

Helgin 2 og 3. október næstkomandi verður tilkomumikil. 
Stórviðburður í sögu Fjallabyggðar verður að veruleika þar sem allir taka  þátt í að sameina tvo frábæra byggðarkjarna í eitt raunverulegt og samtengt sveitarfélag.

Íbúar Siglufjarðar og Ólafsfjarðar sem og gestir þeirra og Vegagerðar munu streyma í Héðinsfjörð og verða við vígslu á göngum sem tengir  Fjallabyggð saman, samgöngulega séð.

Allir eru boðsgestir þennan dag og hefur bæjarstjórn ákveðið að bjóða gestum í veglegt kaffisamsæti þar sem bæjarbúar Fjallabyggðar sameinast og drekka kaffi með sínum gestum.

Tíu rútur munu stöðugt aka um Héðinsfjörð, á milli bæjarkjarna, til að koma í veg fyrir umferðar öngþveiti í göngum og eða í Héðinsfirði. Lögð er rík áhersla á öryggi íbúa og að flestir geti komið á staðinn og verið við opnun og vígslu þessara stórkostlegu mannvirkja.

Til að tryggja aðkomu bæjarbúa að vígslunni verður komið fyrir búnaði í báðum byggðarkjörnunum þannig að  íbúar geti fylgst með þessum atburði beint í gegnum skjávarpa.

Kaffisamsætið verður í íþróttamiðstöð Fjallabyggðar Í Ólafsfirði  að þessi sinni.

Undirbúningsnefnd hafði hér úr vöndu að ráða er varðar staðarval fyrir svo marga gesti en niðurstaða hennar og bæjarráðs byggir á skoðun á eftirtöldum forsendum m.a..
1. Góð aðkoma að íþróttamiðstöðinni
2. Stórt og mikið hús í eigu Fjallabyggðar
3. Þjónustufólk á einum stað
4. Kostnaður við hljóðkerfi og annan búnað tekur mið af einu húsi
5. Heildarfjármagn frá vegagerð og bæjarfélagi hafði áhrif
6. Ávörp verða flutt á einum stað
7. Skemmti og gamanmál á einum stað
8. Betri umferðarstjórnun
9. Boðsgestir á vegum Vegagerðar eru bundnir flugi og geta ekki farið á milli staða
10. Gott fordæmi - bæjarbúar Fjallabyggðar sameinist þennan gleðidag á einum stað.

Vil hér í lokin nota tækifærið og þakka þeim fjölmörgu sem hafa unnið að þessu verkefni og látið þennan dag verða að veruleika. Fjallabyggð byggir á ótrúlegri sögu og menningu. Bættar samgöngur verða til að gjörbreyta ferðaþjónustu á norðanverðum Tröllaskaga á næstu árum og saga svæðisins og menning mun nú verða öllum aðgengilegri.
Fjallabyggð verður nú í alfaraleið. Ráðherrar, fyrrum þingmenn og núverandi, bæjarfulltrúar núverandi og fyrrverandi eiga miklar  þakkir fyrir tvö stórvirki sem bæta munu mannlífið Í Fjallabyggð á næstu árum.

Saga Fjallabyggðar er rétt að hefjast en Héðinsfjarðargöng og  Menntaskólinn á Tröllaskaga er gott veganesti inn í framtíð sem byggir á að íbúar ákváðu að sameinast, ná því markmiði að vera vel yfir tvö þúsund  til að halda uppi og standa undir  þeirri þjónustu sem bæjarbúar kjósa hverju sinni.

Við sem íbúar skulum njóta þessa dags og helgarinnar, margt annað verður til skemmtunar og fróðleiks þessa helgi og vil ég þakka þeim fjölmörgu sem munu gera helgina eftirminnilega.
Sú dagskrá verður auglýst sérstaklega.

Hafið þakkir fyrir góðan undirbúning og viðtökur ágætu bæjarbúar - sameinuð stöndum við.

Sigurður Valur Ásbjarnarson, bæjarstjóri.

Dagskráin 2. október

Gleðilega Hátíð

625.is óskar lesendum, bæjarbúum og landsmönnum öllum Gleðilegra Jóla