Helgina 25. - 26. febrúar næstkomandi á Siglufirði, ef næg þátttaka fæst.

Námskeiðið stendur yfir frá kl. 9 -16 á laugardeginum, með bóklegum tíma og byrjar kl. 10 á sunnudeginum með verklegum tíma.

Námskeiðið kostar kr. 19.200 og lágmarksfjöldi eru 6 nemendur.

Greiða þarf staðfestingargjald kr. 6.000 við skráningu.

Skráning og allar upplýsingar eru í síma 861-6727 eða í hestanudd@hestanudd.net fyrir sunnudaginn 19. febrúar.

Getraunaleikur Knattspyrnufélags Fjallabyggðar er að byrja á laugardaginn (4.feb).

Nú er um að gera að taka þátt í skemmtilegum leik. Vinningar veittir fyrir 3 efstu sætin í riðlinum. 

Liðaskráningar á kf@kfbolti.is eða í síma 865 2325 (Heiðar) eða 660 4760 (Þorri).

Þátttökugjald er 5.000 kr. á hvert lið.

Skrifstofan verður opin milli kl.12-14 á laugardögum.

Frekari upplýsingar um leikinn má finna hér: http://kfbolti.is/frettir/getraunaleikurinn_hefst_aftur_laugardaginn_4feb

KF og KA áttust við á Norðurlandsmótinu s.l. laugardag en keppt var í Boganum á Akureyri. Áhorfendur voru 65 og gerði Þórður Birgisson þrennu fyrir KF. Leikskýrslu KSÍ má sjáhér.

KF tefldi fram þremur Ungverjum sem eru til reynslu hjá félaginu.
Leikurinn byrjaði fjörlega og eftir þrjár mínútur voru KF menn búnir að fá tvær hornspyrnur. Á næstu mínútum róaðist leikurinn og KA menn náðu betur að stjórna leiknum.

Fyrsta markið kom eftir aukaspyrnu af vinstri kanti, boltinn var sendur inná teiginn þar sem Elmar Dan var fyrstur á boltann og kom honum í netið.
Áhorfendur þurftu ekki að bíða lengi eftir næsta marki en Þórður Birgisson átti þá skot að marki KA en boltinn breytti um stefnu eftir viðkomu í varnarmanni og í netið fór hann. KA hélt áfram að hafa yfirhöndina í leiknum en KF menn sóttu hratt þegar þeir náðu boltanum. Á fertugustu mínútu fékk KA víti en Ævar Ingi Jóhannesson komst þá upp hægri kantinn og inná teig þar sem hann var tekinn niður. Guðmundur Óli fór á punktinn og skoraði með föstu skoti. Staðan í hálfleik var því 2-1 fyrir KA.

Seinni hálfleikur byrjaði af sama krafti og fyrri hálfleikur. KF menn fengu víti á 49. mín er leikmaður þeirra var að skjóta að marki þegar á honum var brotið. Þórður Birgisson tók vítið, sendi Sandor í rangt horn og skoraði örugglega. Áfram hélt baráttan og KA með yfirhöndina. Á 81. mín átti Gunnar Valur góðan skalla að marki en naumlega framhjá. Stuttu síðar fékk KA aukaspyrnu rétt fyrir utan teig, Jóhann Helgason þrumaði þá boltanum í markmannshornið og í netinu lá hann. Glæsilegt mark hjá Jóhanni.

Í uppbótartíma gerðust hlutirnir hratt, fyrst skoraði Hallgrímur Mar glæsilegt mark með föstu skoti uppí samskeytinn. KF menn gáfust ekki upp og fengu víti stuttu síðar en þá varði Jóhann Helgason með hendi innan teigs og fékk gult spjald fyrir. Jóhann hafði fengið spjald fyrr í leiknum fyrir kjaft og var hann því sendur í bað. Stuttu síðar kláraði Bjarki Baldvinsson vel færi inná markteig og gulltryggði sigur KA manna.

Mikil barátta var í leikmönnum allan leikinn en KA menn fengu fimm gul spjöld fyrir kjaft en KF tvö.

KF 3-5 KA
0-1 Elmar Dan Sigþórsson(´20)
1-1 Þórður Birgisson(´21)
1-2 Guðmundur Óli Steingrímsson (´42)víti
2-2 Þórður Birgisson (´51)víti
2-3 Jóhann Helgason (´85)
2-4 Hallgrímur Mar Steingrímsson (´90+2)
3-4 Þórður Birgisson (´90+4)víti
3-5 Bjarki Baldvinsson (´90+5)

Skíðafélags Ólafsfjarðra  býður öllum frítt á skíðasvæðið Tindaöxl sunnudaginn 22. janúar í tilefni af verkefninu "snjór um víða veröld".
Fjölbreytt dagskrá í boði.
Leikjabraut, Samhliðasvig, Brettabraut o.fl.
Boðið er upp á fría skíðakennslu frá kl. 12:00 - 14:00
Troðnar verða göngubrautir eins og vanalega.
Milli kl. 13-15 verður svo opin leikja/þrautabraut fyrir alla fjölskylduna og slegið á léttastrengi.
Boðið er upp á frítt kakó frá kl: 13:00 - 15:00
Lukkumiðar frá Skíðasambandi Íslands afhentir.
Flottar veitingar verða seldar í skíðaskálanum.

Hvetjum fjölskyldur til að mæta saman á skíðinmeð góða skapið, og gera sér góðan dag.

Heimild: http://skiol.fjallabyggd.is/is/news/snjor_um_vida_verold_dagskra_i_tindaoxl0/

Zumba Fitness námskeið verður haldið í Ólafsfirði helgina 20.-22. janúar næstkomandi.

Einföld spor, mikil brennsla, skemmtileg tónlist og frábær félagsskapur.

Námskeiðið verður haldið í íþróttahúsinu.

Tímarnir verða samkvæmt eftirfarandi stundarskrá

Föstudaginn 20. Janúar kl: 18:00-19:00

Laugardaginn 21. Janúar kl: 10:00-11:00

Sunnudaginn 22. Janúar kl: 10:00-11:00

Verð fyrir námskeiðið er 4.000.- öll helgin

Frekari upplýsingar og skráning í síma

8689390 eða í Email zumba-loa@visir.is

Fyrirhugað er að halda námskeið í skíðagöngu ef næg þátttaka næst. Námskeiðið er ætlað fullorðnum og hentar bæði byrjendum sem og lengra komnum.

Farið verður yfir undirstöðuatriði í skíðagöngu og verður Sævar Birgisson leiðbeinandi.

Í dag 30. nóvember var undirritaður samstarfssamningur milli skíðafélaganna í Fjallabyggð, Skíðafélags Siglufjarðar Skíðaborg (SSS) og Skíðafélags Ólafsfjarðar (SÓ) um þjálfun yngri og eldri hóps í alpagreinum. Æfingar munu fara fram í báðum byggðarlögum.  Iðkenndur munu þó áfram keppa í nafni síns félags.

Snorri Páll Guðbjörnsson mun sjá um þjálfun yngri hóps og Andrés Stefánsson mun sjá um þjálfun eldri hóps.  Snorri Páll er með 5 ára reynslu sem þjálfari yngri hópa hjá SKA. Snorri hefur tvisvar sinnum keppt á hemsmeistaramóti unglinga og einu sinni á Ólympíuleikum Æskunnar. Hann var í öllum landsliðum Íslands fyrir utan A-landsliðið. Andrés er með yfir 30 ára reynslu sem þjálfari yngri og eldri hópa hjá SSS og hefur hann öll þau réttindi sem krafist er af skíðaþjálfurum. Hann hefur einnig keppt á helstu mótum í alpagreinum hér á landi.

Skíðafélögin vænta þess að samstarfið verði farsælt og að það muni stuðla að því að styrkja iðkenndur félaganna bæði keppnislega og félagslega.

Í stjórn SSS eru Baldvin Kárason formaður, Rúnar Marteinsson, Þorgeir Bjarnason, Brynja Ingunn Hafsteinsdóttir, Sigurbjörg Gunnólfsdóttir, Tómas Einarsson og Ásmundur Einarsson.

Í stjórn SÓ eru Sigurpáll Gunnarsson formaður, Jón Valgeir Baldursson, Kristján Hauksson, Guðrún Unnsteinsdóttir, Daníel Páll Víkingsson, Ásgerður Einarsdóttir og María Leifsdóttir

Formenn Skíðafélaganna skrifa undir samstarfssamninginn

Meistaraflokkur KF er að fara af stað með skemmtilegan getraunarleik sem allir geta tekið þátt í. Tippað er á leiki úr enska- og evrópuboltanum.  Leikurinn virkar þannig að aðilar tippa á leiki sem verða á tímabilinu frá 9. desember til 2. janúar. samtals 15 leikir. Þátttökugjald er kr. 1.500.-

Skilafrestur er 7.desember!!!

Verðlaunin eru ekki af verri endanum:

1.sæti: 25.000 krónur
2.sæti: 15.000 krónur
3.sæti: 10.000 krónur

Ef þátttakandi er með alla leiki rétta eru verðlaunin 50.000 + 1.vinningur samtals 75.000 krónur. Ef fleiri en einn eru með alla leiki rétta er einnig dregið um sigurvegara.
Velja skal eitt tákn 1, X eða 2

Ef einhverjar spurningar vakna um leikinn þá endilega hafið samband í síma 6605357 Þorri / 865-2325 Heiðar /Grétar 8916399

Á heimasíðu UÍF er boðað er til formannafundar 9. nóvember nk. kl. 18:30 í UÍÓ húsinu, Ólafsfirði.
Er þetta liður í að halda öllum aðildarfélögum UÍF upplýstum um gang mála.

Á fundinum munu drög að reglum um val á íþróttamanni Fjallabyggðar vera kynntar, en unnið hefur verið að nýjum reglum í samvinnu við Kiwanisklúbbinn á Siglufirði.

Afhent verður almannak þar sem helstu dagsetningar koma fram sem aðildarfélögum ber að hafa í huga og einnig verður óskað eftir hugmyndum aðildarfélaganna um dagskrárliði fyrir fyrirhugaða Vetrarleika.

Óskað er eftir að formaður aðildarfélags auk annars stjórnarmanns mæti á fundinn.